آئی ٹی کی نوکری سے اداکاری تک کا سفر، نمیر نواز خان نے اپنی کہانی سنا دی

image

پاکستانی اداکار نمیر نواز خان نے آئی ٹی کا شعبہ چھوڑ کر شوبز انڈسٹری میں آنے کی کہانی سنا دی۔ احمد علی بٹ کے پوڈکاسٹ میں گفتگو کرتے ہوئے انہوں نے بتایا کہ 2015 میں کارپوریٹ ملازمت سے اکتا کر اشتہارات اور فیشن شوٹس کے ذریعے اداکاری میں قسمت آزمائی۔

نمیر خان کے مطابق انہیں پہلا اشتہار سجل علی اور مومنہ مستحسن کے ساتھ کرنے کا موقع ملا۔ اداکار نے انکشاف کیا کہ سافٹ ویئر انجینئر کی حیثیت سے 30 دن کام کرنے کے مقابلے میں اداکاری کے صرف ایک دن کا معاوضہ کہیں زیادہ تھا۔

انہوں نے بتایا کہ فلمیں دیکھنے کے شوق نے انہیں اداکاری کی طرف راغب کیاجبکہ وہ دوسرے فنکاروں کی نقل کرنے کے بجائے اپنے انداز میں کردار ادا کرنے کو ترجیح دیتے ہیں۔ ان کا کہنا تھا کہ شہرت اور چمک دمک سے دور رہتے ہیں کیونکہ ان کا فنی سفر ابھی شروع ہوا ہے۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US