ساف فٹبال چیمپئن شپ کا فائنل، بھارت نے پاکستان کو شکست دے کر ٹائٹل جیت لیا

image

ساف فٹبال چیمپئن شپ کے فائنل میں بھارت نے پاکستان کو 1-2 سے شکست دے کر ٹائٹل اپنے نام کرلیا۔ ڈھاکا کے نیشنل اسٹیڈیم میں کھیلے گئے فائنل کے پہلے ہاف میں پاکستان کو ایک صفر کی برتری حاصل تھی۔

پاکستان کی جانب سے عالمگیر غازی نے پہلے ہاف کے آخری لمحات میں گول کرکے ٹیم کو برتری دلائی، تاہم دوسرے ہاف کے 61ویں منٹ میں سہیل بھٹ نے گول کرکے مقابلہ برابر کردیا۔

میچ کے 88ویں منٹ میں سندیپ نے دوسرا گول کرکے بھارت کو فیصلہ کن برتری دلادی۔ اس دوران پاکستانی کھلاڑی جنید کو ریڈ کارڈ دکھائے جانے کے بعد قومی ٹیم نے 10 کھلاڑیوں کے ساتھ میچ کھیلا۔

واضح رہے کہ پاکستان پہلی مرتبہ ساف فٹبال چیمپئن شپ کے فائنل میں پہنچا تھا، جہاں اسے تاریخ رقم کرنے کا موقع ملا تاہم قومی ٹیم ٹائٹل جیتنے میں کامیاب نہ ہوسکی۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US