پارلیمنٹ عوام کو ریلیف فراہم کرنے کا باعث بنے گی ، فردوس عاشق اعوان

وزیراعظم کی معاون خصوصی برائے اطلاعات ونشریات ڈاکٹر فردوس عاشق اعوان نے کہا ہے کہ پارلیمنٹ اپنا آئینی اور قانونی کردار ادا کرتے ہوئے حقیقی معنوں میں عوام کو ریلیف فراہم کرنے کا باعث بنے گی۔

تفصیلات کے مطابق وزیراعظم کی معاون خصوصی برائے اطلاعات ونشریات ڈاکٹر فردوس عاشق اعوان نے پی آئی ڈی میں چیئرمین سرمایہ کاری بورڈزبیر گیلانی کے ہمراہ پریس کانفرنس کرتے ہوئے کہا کہ پارلیمانی کمیٹی چیف الیکشن کمشنر کے عہدے کے لئے جس نام پر متفقہ ہوئے ہیں ، وہ اس ادارے کی ساکھ کو بحال کرنے میں اپنا بھرپور کردار ادا کرینگے۔

فردوس عاشق اعوان نے پارلیمانی پارٹی کے چیف الیکشن کمشنر اور ممبران پر اتفاق رائے کو جمہوریت کی اہم کامیابی قرار دیتے ہوئے کہا ہے کہ مفاہمتی عمل اسی طرح آگے بڑھتا رہے گا ۔

 وزیراعظم کی معاون خصوصی نے  یہ بھی کہا کہ ماضی میں چھوٹے تاجر کے تحفظات پر کسی نے توجہ نہیں دی، پاکستان میں جب بھی کوئی چھوٹا کاروبار شروع کرنا چاہتا تھا تو اسکی راہ میں لائسنس اور این او سی سمیت دیگر رکاوٹیں حائل ہوجاتیں تھی ۔

ڈاکٹر فردوس عاشق اعوان کا کہناتھا کہ  وزیراعظم عمران خان نے چھوٹے کاروبار  کے حوالے سے  نہ صرف نوٹس لیا بلکہ ایک اہم اجلاس منعقد کر کے چھوٹے کاروبار شروع کرنے کے لئے 74لائسنس اور این او سی سمیت دیگر حائل رکاوٹیں ختم کر دیں ہیں

وزیراعظم کی معاون خصوصی کا یہ بھی کہنا تھا کہ وزیراعظم عمران خان اپنے دورہ سوئٹزرلینڈ کے دوران پاکستان کی معاشی میدان میں ہونے والی کامیابیوں ،دنیا کو پاکستان میں سرمایہ کے لئے راغب کرنے ،کشمیریوں کے وکیل اور سفیر بن کے بھارتی مقبوضہ کشمیر میں ہونے والے بھارتی مظالم کی تازہ ترین صورتحال سے عالمی برادری کو آگاہ کرینگے ۔

فردوس عاشق اعوان نے کہا کہ وزیراعظم عمران خان اپنے دورہ سوئٹزرلینڈ میں عالمی برادری کو بھارتی مقبوضہ کشمیر اور بھارت میں مسلمانوں اور اقلیتوں کے ساتھ ہونے والے ظلم اور بربریت ، بھارتی دہشت گردی اور آر ایس ایس کے نظریہ، پائیدار اور مستحکم معاشی روڈ میپ کے حوالے سے آگاہ کریں گے

 ڈاکٹر فردوس عاشق اعوان نے یہ بھی  کہا کہ بھارت کا ریاستی دہشت گردی کا چہرہ ہر سطح پر بے نقاب کرتے رہیں گئے ،پانچ ماہ سے مقبوضہ کشمیر میں کشمیریوں کے بنیادی حقوق کا قتل عام ہورہا ہے ،بھارت کے اندر اقلیتوں بالخصوص مسلمانوں کی نسل کشی کے ساتھ ساتھ آر ایس ایس کے نظریے کو فروغ دیا جارہا ہے ۔

ایک سوال کے جواب میں معاون خصوصی ڈاکٹر فردوس عاشق اعوان نے کہا کہ چینی بحران یا قیمتیوں میں اضافہ بھی پراپیگنڈے کے علاوہ کچھ نہیں ہے اگر کسی کے پاس بحران پیداکرنے کے ذمہ داروں کے حوالے سے شواہد ہیں تو بتائیں حکومت ضرور کارروائی کریگی ۔

سندھ حکومت کی کوتاہی کے باعث آٹے کے ذخیرے میں کمی پیدا ہوئی، فردوس عاشق اعوان وزیراعظم کی معاون خصوصی برائے اطلاعات ونشریات ڈاکٹر فردوس عاشق اعوان نے مزید  کہا کہ وزیراعظم عمران خان کا بھی یہ ہی ویژن ہے کہ ادارے آزاد اور با اختیار ہوں ، امید ہے کہ یہ مفاہمتی عمل عوام کو ریلیف دینے کے لئے ایسے ہی آگے بڑھتا رہے گا ۔

اس موقع پر چیئرمین سرمایہ کاری بورڈزبیر گیلانی  نے کہا کہ حکومت کاروبار میں آسانی کے لیے اقدامات کر رہی ہے،  100سے زائد مختلف کاروبار کیلئے لائسنس کی شرط ختم کر دی گئی ہے۔

 زبیر گیلانی نے یہ بھی کہا کہ حکومت کا مقصد عام آدمی کی زندگی کو بہتر بنانا ہے اس لئے کاروباری طبقے کو سہولیات فراہم کرنے کیلئے اقدامات کر رہے ہیں۔

 چیئرمین سرمایہ کاری بورڈزبیر گیلانی نے مزید کہا کہ لائسنس والے کاروبار میں مزید آسانی کیلئے اقدامات کر رہے ہیں، لائسنس کی شرط ختم ہونے  سے  عام آدمی کے کاروبار میں اضافہ ہو گا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.