پاکستان فلم انڈسٹری کی نامور ترین اداکارہ ماہرہ خان کا شمار بہترین اداکاراؤں کی فہرست میں کیا جاتا ہے، اس کی وجہ ان کی شاندار اداکاری ہے۔
ماہرہ خان سوشل میڈیا ویب سائٹس پر بہت فعال دکھائی دیتی ہیں، یہی چند وجوہات کی بنا پر وہ اپنے مداحوں میں بے حد مقبول ہیں اور انہیں بے حد پسند بھی کیا جاتا ہے۔
گزشتہ روز ماہرہ خان نے اپنے انسٹاگرام اکاؤنٹ پر ایک پوسٹ شئیر کی جس میں انہوں نے ٹرین کی ایک خوبصورت تصویر کے ساتھ کیپشن میں لکھا کہ ہمیشہ ایسا کیوں ہوتا ہے کہ میں جب بھی ٹرین کو دیکھتی ہوں تو مجھے ایسا لگتا ہے کوئی مجھ سے کہہ رہا ہو جا ماہرہ جا، جی لے اپنی زندگی؟
چند ہی گھنٹوں میں اداکارہ کی اس پوسٹ پر لاکھوں لائکس دیکھنے میں آئے۔
سوشل میڈیا پر ماہرہ خان ڈرامہ و فلم انڈسٹری سے تعلق رکھنے والی دیگر معروف شخصیات کی سالگرہ، شادی کی تقریبات پر مبارکباد یا اگر کوئی بیمار ہو تو وہ اُن کے لئے نیک تمنائوں کا اظہار بھی کرتی رہتی ہیں۔