اب کیا دوسرے فیصلہ کریں گے کہ ہمیں اپنی زندگی کیسے گزارنی ہے؟ اداکارہ عائزہ خان

پاکستان کو متعدد سپر ہٹ ڈرامے دینے والی معروف اداکارہ عائزہ خان نے سوشل میڈیا پر لوگوں کی جانب سے مختلف فنکاروں کو تنقید کا نشانہ بنانے پر اپنا پیغام جاری کردیا۔

سماجی رابطے کی ویب سائٹ ٹوئٹر پر عائزہ خان نے ٹوئٹ کیا سوشل میڈیا پر مشہور شخصیات کو کیوں تنقید کا نشانہ بنایا جاتا ہے؟

اداکارہ نے سوال کیا کہ کیا اب ہم دوسروں کو فیصلہ کرنے دیں کہ ہمیں اپنی زندگی کس طرح سے گُزارنی ہے اور ہمیں اپنی زندگی میں کیا کیا کرنا چاہیے؟


عائزہ خان نے مزید تحریر کیا کہ آپ کے تنقید بھرے تبصروں سے ہمیں بہت تکلیف ہوتی ہے جو ہمیں اندرونی طور پر توڑ دیتے ہیں۔

اداکارہ عائزہ خان نے ایک اور ٹوئٹ کیا جس میں انہوں نے اپنے مداحوں کی ہمت بڑھاتے ہوئے کہا انشااللّہ ہم سب مل کر اِس آزمائشی دور سے گُزر جائیں گے، بس ہم سب کو پُرسکون اور مثبت رہنے کی ضرورت ہے۔


عائزہ نے اپنے ایک اور ٹوئٹ میں کہا ہم اپنے اردگرد موجود لاکھوں لوگوں کو اپنے کام سے تفریح فراہم کرتے ہیں۔ ہم اپنے مداحوں کو خوش کرنے کے لیے اور اُن کی منفی سوچ کو ختم کرنے کے لیے اپنی صلاحیت کے مطابق کام کرتے ہیں۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

2486