کیا اداکارہ نمرہ خان اور ان کے شوہر کے درمیان علیحدگی ہوگئی؟

پاکستان شوبز سے تعلق رکھنے والی مشہور اداکارہ نمرہ خان نے اپنے سوشل میڈیا اکاؤنٹس سے اپنے شوہر راجہ اِفتخار کے ہمراہ اپنی تصاویر ڈیلیٹ کر دی ہیں۔

اس حوالے سے سوشل میڈیا پر خبریں گردش کر رہی ہیں کہ رواں سال لاک ڈاؤن کے دوران خاموشی سے نکاح کرنے والی اداکارہ نمرہ خان نے سوشل میڈیا ایپلیکیشن اِنسٹاگرام سے اپنے شوہر کے ہمراہ اپنی تمام تصاویر ڈیلیٹ کردی ہیں جس کے بعد ان کے مداح اداکارہ کی ازدواجی زندگی سے متعلق کئی سوال اُٹھا رہے ہیں۔

جبکہ نمرہ خان نے اس خبر کی کوئی تصدیق نہیں کی اور نہ ہی اس حوالے سے اُن کا کوئی پیغام سامنے آیا ہے۔

خیال رہے کہ گزشتہ دنوں نمرہ خان نے اپنی انسٹاگرام اسٹوری میں کچھ تصاویر شیئر کی تھیں جن میں نمرہ خان شدید زخمی تھیں، تصاویر شیئر کرتے ہوئے اداکارہ نے مداحوں کو بتایا تھا کہ وہ اپنے گھر کی سیڑھیوں سے گِر کر شدید زخمی ہوگئی ہیں جس کی وجہ سے اُن کے چہرے اور سر پر متعدد چوٹیں آئی ہیں۔ لیکن وہیں کچھ صارفین یہ بھی کہہ رہے تھے کہ اداکارہ کے چہرے پر موجود نشان کسی تشدد کے ہیں۔

واضح رہے کہ نمرہ خان نے رواں سال اپریل کے مہینے میں لاک ڈاؤن کے دوران لندن کے ایک پولیس آفیسر راجا افتخار اعظم سے نکاح کیا تھا۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

9589