تین سال میں ایک روپے کی کرپشن ثابت نہ ہوسکی، حمزہ شہباز

image

پنجاب اسمبلی میں اپوزیشن لیڈر اور پاکستان مسلم لیگ نواز کے رہنما حمزہ شہباز نے کہا ہے کہ یہ تین سال میں ایک روپے کی کرپشن ثابت نہ کر سکے۔ قوم کے لیے جتنی قربانیاں دینا پڑی دیں گے۔

تفصیلات کے مطابق کوٹ لکھپت جیل سے رہائی کے بعد ریلی سے خطاب کرتے ہوئے حمزہ شہباز کہا کہ قوم نے احتساب کے تماشے کا انجام دیکھ لیا، حکومت کے انتقام کی آگ ٹھنڈی نہیں ہو رہی۔

حمزہ شہباز کا کہناتھا کہ نوازشریف نے عمران خان کے انتقام کا سامنا کیا،رانا ثناء اللہ کے خلاف کچھ نہ ملا تو منشیات کا کیس بنا دیا۔

انہوں نے کہا کہ حکومت کو ہمارے خلاف کچھ نہیں ملتا تو مہنگائی کرکے عوام پر غصہ نکالتے ہیں۔

اس موقع پر ن لیگ کی نائب صدر مریم نواز اور پارٹی کارکنان کی ایک بڑی تعداد نے حمزہ شہباز کا کوٹ لکھپت جیل کے باہر استقبال کیا۔

خیال رہے کہ حمزہ شہباز مبینہ منی لانڈرنگ کیس  میں 20 ماہ سے جیل میں تھے۔

واضح رہے کہ گزشتہ روز لاہور ہائی کورٹ نے مبینہ منی لانڈرنگ میں گرفتار حمزہ شہباز کی ایک ایک کروڑ روپے کے مچلکوں کے عوض ضمانت منظور کرتے ہوئے ان کی رہائی کا حکم دیا تھا۔

-->


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.