اپنی سالگرہ کے موقع پر تنقید کا نشانہ بننے والی اداکارہ صبا قمر نے صارفین کو جواب دے دیا۔
اداکارہ صبا قمر نے اپنی سالگرہ پر جو لباس زیب تن کیا اسے لوگوں نے شدید ناپسند کیا اور دل کھول کر اداکارہ سے سوال کیے اور ان کی تصاویر پر کھری کھوٹی سنائیں۔
تاہم سوشل میڈیا پر صارفین کی جانب سے اداکارہ کی سالگرہ کی تقریب کی ایک تصویر کو فوٹو شاپ کے ذریعے تبدیل کیا گیا جس میں دیکھا جا سکتا ہے کہ صبا قمر کو دوپٹہ پہنایا گیا ہے۔ اسی تصویر پر اب تک کئی میمز بن چکے ہیں۔
صبا قمر کی تصویر میں انہیں ایڈیٹنگ کے ذریعے ٹائٹس بھی پہنائی گئی ہیں۔
تاہم اداکارہ اس تصویر اور اس پر کیے جانے والے تبصروں سے محظوظ ہوتی دکھائی دے رہی ہیں۔
انہوں نے اپنی انسٹاگرام اسٹوری میں ترمیم شدہ تصویر شیئر کرتے ہوئے لکھا کہ ’یہ واقعی مزاحیہ ہے۔‘
صبا قمر کی تصویر پر شیئر کیے جانے والے کچھ مزاحیہ میمز:
٭ اِس حوالے سے آپ کی کیا رائے ہے؟ ہماری ویب کے فیسبک پیج پر کمنٹ کر کے لازمی بتائیں۔