نیشنل ٹی20کپ کا ٹائٹل دفاعی چیمپئن خیبرپختونخوا کےنام

image

نیشنل ٹی20کپ کے فائنل میں خیبرپختنخوا نے سینٹرل پنجاب کو 7 وکٹوں سے شکست دیکر ٹرافی اپنے نام کرلی۔

قذافی اسٹیڈیم میں کھیلے جارہے میچ میں خیبرپختنخوا نے ٹاس جیت کر پہلے فیلڈنگ کرنے کا فیصلہ کیا، سینٹرل پنجاب نے پہلے بلےبازی کرتے ہوئے 148 رنز بنائے۔ ہدف کے تعاقب میں صاحبزادہ فرحان اور محمد حارث نے اچھی بیٹنگ کا مظاہرہ کیا تاہم 10 رنز بناکر حارث ثمین گل کا شکار بنے۔

کےپی کے کپتان افتخار احمد نے جارحانہ بیٹنگ کا مظاہرہ کرتے ہوئے میچ کو اختتامی لمحات میں یکطرفہ کردیا، محض 19 گیندوں پر 6 چوکوں اور 2 چھکوں کی مدد سے 45 رنز اسکور کیے۔

خیبرپختنخوا کی جانب سے دیگر کھلاڑیوں میں صاحبزادہ فرحان 26 جبکہ کامران غلام 37 رنز بناکر نمایاں رہے، سینٹرل پنجاب کی جانب سے ثمین گل، قاسم اکرم اور محمد فیضان ایک ایک وکٹ حاصل کرسکے۔

اس سے قبل کامران اکمل اور احمد شہزاد کی اننگز کے باعث سیںٹرل پنجاب کی ٹیم 149 رنز کا ہدف دینےمیں کامیاب ہوسکی تھی،  کامران اکمل نے 3 چوکوں اور 2 چھکوں کی مدد سے 42 رنز بنائے اور خالد عثمان کا شکار بنے تھے جبکہ احمد شہزاد نے 44 رنز بنائے تھے۔

شہزاد کے آؤٹ ہونے کے بعد سینٹرل پنجاب کی ٹیم میچ میں واپس نہ آسکی، حسین طلعت 6، سیف بدر 7، قاسم اکرم 20 محمد فیضان 8 اور فہیم اشرف 14 رنز بناسکے۔ کےپی کی جانب سے کپتان افتخار احمد 3، محمد عمران 2، عمران خان جبکہ ارشد اقبال نے ایک ایک وکٹ حاصل کی۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.