کترینہ کی شادی میں جانےوالوں کیلئےیہ شرط پوری کرنالازم ہے

image

کترینہ کیف اور وکی کوشال کی جانب سے ان کی شادی کی خبروں پر تاحال کوئی تبصرہ سامنے نہیں آیا ہے لیکن کوئی دن خالی نہیں جاتا جب بھارتی میڈیا اس غیرمصدقہ تقریب سے متعلق خبر شائع نہ کرے۔

بالی ووڈ کی اس جوڑی کی شادی کی خبریں اکتوبر سے زیر گردش ہیں۔ اطلاعات ہیں کہ شادی راجھستان کے شاہی خاندان کی ملکیت قلعہ باوڑہ میں نئے بندھن میں بندھیں گے جس میں ایک محل اور دو مندر ہیں۔

کترینہ اور وکی کی دوستی 2019 سے ہے اور رواں سال اگست میں ان کی منگنی کی اطلاع سامنے آئی تھی جس کے بعد انہیں ایوارڈ شوز سمیت کئی مواقع پر اکٹھا دیکھا گیا۔

بھارتی میڈیا یہ تک رپورٹ کرچکا ہے کہ شادی کے دن کترینہ اور وکی معروف بھارتی فیشن ڈیزائنر سبیا سوچی کے تیار کردہ ملبوسات زیب تن کریں گے جو بالی ووڈ اداکاراوں کے پسندیدہ ترین ہیں۔ دیپکا، انوشکا شرما، و دیا بالن سمیت کئی سیلیبرٹیز اپنی شادی کے جوڑے کیلئے سبیا ساچی کی خدمات حاصل کر چکی ہیں۔

تازہ ترین اطلاعات ہیں کہ کترینہ اور وکی کی شادی میں شرکت کرنے والوں کو تقریب میں موبائل فون لے جانے کی اجازت نہیں ہوگی۔

یہ “نو فون پالیسی “ اس سے قبل سال 2018 میں دپیکا اور رنبیر کی شادی کے موقع پر بھی سامنے آئی تھی۔

اس خاص شادی کے اہم مہمانوں کی فہرست میں کرن جوہر، علی عباس ظفر، کبیر خان اور منی ماتھر، روہت شیٹی، سدھارتھ ملہوترا، کیارا ایڈوانی، ورون دھون اور نتاشا دلال سمیت دیگر شامل ہیں۔

وکی کوشال نے 2015 میں فلم مسان سے ڈیبیوکیا تھا اور اب تک سنجو، رازی، اڑی سمیت متعدد فلموں میں جلوہ گر ہو چکے ہیں۔اداکار کو آخری بار فلم ‘سردار ادھم ‘ میں دیکھا گیا تھا۔

دوسری جانب کترینہ کی نئی ریلیز ہونے والی فلم ‘سوریا ونشی ‘ ہے جس میں ان کے مقابل اکشے کمار ہیں ۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.