پشاور میں پولیس موبائل پر حملہ، سب انسپکٹر سمیت 3 اہلکار زخمی

image

پشاور: پھولوں کے شہر پشاور میں پولیس موبائل پر دستی بم سے حملہ کیا گیا ہے جس کے نتیجے میں سب انسپکر سمیت تین اہلکار زخمی ہو گئے ہیں۔

ہم نیوز کے مطابق پولیس موبائل پر دستی بم حملہ تھانہ بڈھ بیر کی حدود میں کیا گیا۔ زخمی پولیس اہلکاروں کو فوری طور پر طبی امداد کے لیے اسپتال منتقل کردیا گیا ہے۔

ایس پی صدر ڈویژن وقار احمد کے مطابق موبائل پر حملے کی اطلاع ملتے ہی پولیس کی بھاری نفری جائے وقوع پر پہنچ گئی تھی۔

پولیس موبائل پر کیے جانے والے دستی بم حملے میں فرید خان، خواص خان اور میر عالم زخمی ہوئے ہیں۔

ایس ایس پی آپریشنز ہارون رشید نے فوری طور پر دیگر پولیس افسران کے ہمراہ ایل آر ایچ اسپتال کا دورہ بھی کیا جہاں انہوں نے زخمیوں کی عیادت کی۔ انہوں نے زخمی پولیس اہلکاروں کو بہترین طبی سہولتیں فراہم کرنے کی بھی ہدایت کی ہے۔

پشاور: کارخانو مارکیٹ کے قریب پولیس وین پر حملہ، اہلکار شہید

علاقہ پولیس کے مطابق ملزمان کی تلاش کے لیے سرچ آپریشن شروع کردیا گیا ہے جب کہ متعلقہ ٹیموں نے جائے وقوع سے ثبوت و شواہد بھی اکھٹے کیے ہیں۔


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.