میرے بیٹوں پر آصف زرداری سے ڈالر مانگنے کی باتیں بیہودہ ہیں، چودھری شجاعت

image

مسلم لیگ ق کے صدر چودھری شجاعت چھوٹے بھائی چودھری وجاہت کے الزامات پر برس پڑے۔

اپنے ردعمل میں انہوں نے کہا کہ میرے بیٹوں پر آصف زرداری سے ڈالر مانگنے کی باتیں بیہودہ ہیں، سالک حسین نے میرے کہنے پر شہباز شریف کو وزیراعظم کیلئے ووٹ دیا ، ہم نے کسی سے کوئی وزارت نہیں مانگی۔

انہوں نے کہا کہ میرے کہنے پر میرے بچے فی الحال خاموش ہیں۔

چودھری شجاعت حسین نے کہا کہ وجاہت حسین نے نئی جماعت بنانی ہے تو بنا لیں ، ملک میں ایک نئی جماعت بننے سے فرق نہیں پڑے گا۔

ان کا کہنا تھا کہ طارق بشیر چیمہ پر چودھری خاندان کو تقسیم کرنے کا الزام جھوٹ ہے، گجرات جا کر بتاؤں گا کس کا کون سا حلقہ ہے؟

یاد رہے کہ گزشتہ روز چودھری وجاہت حسین نے نئی سیاسی جماعت بنانے کا اعلان کرتے ہوئے الزام عائد کیا تھا کہ طارق بشیر چیہ نے ہمارے خاندان کو تقسیم کردیا، افسوس ہے کہ چودھری شجاعت حسین کا بیٹا زرداری سے ڈالرز مانگ رہا ہے حالانکہ زردرای جتنے پیسے بانٹتا پھرتا ہے، اتنے تو چودھری شجاعت حسین خیرات دیا کرتے ہیں۔

انہوں  نے کہا کہ چودھری شجاعت حسین کو ان کے بیٹوں نے یرغمال بنا رکھا ہے، انہیں ان کی اولاد خراب کر رہی ہے، پانچ ماہ سے دونوں بھائیوں کو اکٹھا کرنے کی کوشش کرتے رہے ہیں۔

انہوں نے کہا کہ چودھری ظہور الہٰی خاندان کو نجانے کس کی نظر لگ گئی ہے، کیا وقت آگیا ہے کہ ایک بھائی کے آگے اور دوسرے بھائی کے پیچھے پولیس ہے، چودھری شجاعت حسین کے گھر کبھی زرداری کبھی شہباز اور کبھی مولانا پہنچ جاتے ہیں۔ انہوں نے کہا کہ الیکشن کسی وقت بھی متوقع ہیں اور عوام کی رائے سے کوئی لا علم نہیں ہے۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.