فخر زمان کو اوپننگ بابراعظم کو چوتھے نمبر پر بیٹنگ کرنی چاہئے، عاقب جاوید

image

قومی کرکٹ ٹیم کے سابق فاسٹ بولر عاقب جاوید نے کہا ہے کہ فخر زمان کو محمد رضوان کے ساتھ اوپننگ جب کہ بابراعظم کو چوتھے نمبر پر بیٹنگ کرنی چاہئے۔

ایک انٹرویو میں ان کا کہنا تھا کہ جب بھی مڈل آرڈر بیٹر کی بات کی جائے تو شعیب ملک کا نام ذہن میں آتا ہے، دوسرا نام سرفراز احمد کا ہے جو مسلسل کارکردگی کا مظاہرہ دکھاتے رہے ہیں۔

انہوں نے کہا کہ نیوزی لینڈ کے دورے پر جانے والی ٹیم کو پاکستان کی بہترین ٹیم نہیں کہا جا سکتا، اس ٹیم میں شعیب ملک کی جگہ بنتی ہے۔

عاقب جاوید نے کہا کہ ویرات کوہلی چار نمبر پر مسلسل رنز بناتے آ رہا ہے، ہمارے پاس چوتھے نمبر کا بیٹر نہیں ہے، اس لیے بابراعظم کو اس نمبر پر کھیلنا چاہئے۔

انہوں نے کہا کہ محمد رضوان اور فخر زمان کو بطور اوپنر کھیلانا چاہئے، تیسرے نمبر پر شان مسعود، چوتھے پر بابراعظم پانچویں پر شعیب ملک جب کہ چھٹے نمبر پر آصف علی کو کھیلانا چاہئے۔

ان کا کہنا تھا کہ اگر ٹیم میں تبدیلیاں نہیں کی گئی تو نتائج مختلف نہیں ہوں گے۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.