’کون ہے یہ جائنٹ‘، طویل القامت شخص نے سب کو حیرت میں ڈال دیا

image
دنیا کے سب سے لمبے قد والے شخص کو دیکھ کر سماجی رابطوں کی ویب سائٹ ٹوئٹر کے صارفین حیران رہ گئے ہیں اور پوچھنا شروع کیا کہ ’کون ہیں یہ جائنٹ؟‘

پیر کو ٹوئٹر پر ’ہسٹری اِن کَلر‘ نامی ایک ہینڈل نے امریکہ کی ریاست ایلانوئے میں رہنے والے رابرٹ واڈلو کی تصویر شیئر کی جس میں وہ اپنی فیملی کے ساتھ کھڑے ہیں۔

تصویر کے ساتھ لکھا گیا کہ یہ سنہ 1935 میں کھینچی گئی تھی۔ پھر بھی صارفین کا تجسس برقرار رہا اور ان کے بارے میں مزید جاننے کے لیے کوشاں رہے۔

جس پر اسی پوسٹ کے جواب میں گنیز ورلڈ ریکارڈ کی انتظامیہ نے بھی تصدیق کی کہ رابرٹ واڈلو دنیا کے سب سے طویل القامت شخص تھے۔

 

گنیز ورلڈ ریکارڈز نے اس حوالے سے ایک ٹویٹ بھی کی جس میں بتایا گیا تھا کہ ’دنیا میں سب سے لمبے انسان کے طور پر زندگی گزارنے والے شخص کی شاندار تصویر‘

انڈین این ڈی ٹی وی کے مطابق رابرٹ واڈلو کو ایلانوئے کا جائنٹ یعنی ایلانوئے کا دیو قامت شخص کہا جاتا تھا اور 1940 میں ان کا قد 8 فُٹ 11 انچ تھا۔

پانچ سال کی کم عمر میں بھی واڈلو کا قد پانچ فٹ 4 انچ تھا جبکہ آٹھ سال کی عمر میں ان کا قد 5 فُٹ 11 انچ تھا۔

رابرٹ واڈلو پیدائشی طور ہائپرپلاسیا نامی ایک بیماری کا شکار تھے جس کے باعث ان کے جسم کے عضو غیرمعمولی طور پر بڑھنا شروع ہو گئے تھے۔

amazing picture of the tallest man who ever lived https://t.co/gYfRubPf8p

— Guinness World Records (@GWR) December 6, 2022

رابرٹ واڈلو 15 جولائی 1940 کو 22 سال کی عمر میں ٹخنے میں زخم اور چھالے بننے ہونے کے باعث انتقال کر گئے تھے۔


News Source   News Source Text

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.