محرم الحرام کی سکیورٹی کے پیش نظر لاہور سمیت پنجاب بھر میں دفعہ 144 نافذ کر دی گئی۔
ترجمان محکمہ داخلہ پنجاب کے مطابق اتھارٹی کی اجازت کے بغیر عوامی مقامات پر ہتھیار اور آتش گیر مواد کی نمائش پر پابندی ہو گی۔
اشتعال انگیز نعروں اور اشاروں پر مکمل پابندی عائد کر دی گئی ہے، کسی بھی ڈیوائس سے نسلی منافرت کو ہوا دینے والے ریمارکس پر بھی پابندی لگا دی گئی ہے۔
محرم الحرام کا چاند دیکھنے کیلئے رویت ہلال کمیٹی کا اجلاس آج ہو گا
جلوس کے راستوں میں اینٹیں، بوتلیں یا کچرا جمع کرنے پر بھی پابندی عائد کر دی گئی ہے، پنجاب بھر میں ڈبل سواری کے علاوہ تمام پابندیوں کا اطلاق 10 محرم الحرام تک ہوگا۔
محکمہ داخلہ پنجاب کے مطابق بزرگ شہری، خواتین اورسکیورٹی اہلکار ڈبل سواری کی پابندی سے مستثنی ہیں، ڈبل سواری پر پابندی 7 سے 10 محرم الحرام تک رہے گی۔