کراچی کے تاجروں نے یکم اگست کو احتجاج کا اعلان کردیا اور خبردار کیا احتجاج کااثرنہ ہواتواگست کے بلوں کی ادائیگی نہیں کی جائے گی۔
تاجردوست اسکیم کے خلاف کراچی کی تاجرتنظیموں کے رہنماؤں کا ہنگامی اجلاس ہوا، جس میں عتیق میر،رضوان عرفان،جمیل پراچہ،شریف میمن نے شرکت کی۔اجلاس میں محمود حامد، خالد نور، سید اختر شاہد سمیت دیگر تاجر رہنما بھی موجود تھے۔
انٹربینک میں ڈالر 278 روپے 66 پیسے کاہو گیا
تاجر رہنما رضوان عرفان نے کہا کہ حکومت فوری طور پر آئی پی پیز کا مسئلہ حل کرے، کیپسٹی چارجز،مہنگی بجلی کے خلاف یکم اگست کواحتجاج کریں گے، احتجاج اور ہڑتالیں غیرمعینہ مدت تک ہوں گی۔
تاجر رہنما کا کہنا تھا کہ اخراجات آمدن سےبڑھ چکی ہیں،حکومت فوری ریلیف دے۔چیئرمین کراچی تاجراتحادعتیق میر نے کہا کہ حکومت معاشی ایمرجنسی نافذکرے، بجلی کے بلوں کی وجہ سے تاجرمفلوک الحال ہوچکے ہیں۔
سونے کی قیمت میں معمولی کمی
تاجروں نے خبردار کیا حکومت فوری طور پر تاجر دوست اسکیم واپس لے، احتجاج کااثرنہ ہواتواگست کے بلوں کی ادائیگی نہیں کی جائے گی۔