کئی دنوں سے بارش کے منتظر کراچی والوں کے لیے خوشخبری. چیف میٹرولوجسٹ سردار سرفراز کا کہنا ہے کہ سندھ بھر میں بارش کا نیا سسٹم داخل ہورہا ہے جو کراچی سمیت پورے سندھ کو لپیٹ میں لے گا.
اس سسٹم کی وجہ سے 27 اور 28 اگست کو کراچی میں تیز بارشوں کا امکان ہے البتہ چیف میٹرولوجسٹ نے خبردار کیا ہے کہ شدید بارش کے باعث کراچی میں اربن فلڈنگ کا خطرہ بھی ہوسکتا ہے.
جبکہ موسمیاتی تجزیہ کار جواد میمن کا کہنا ہے کہ بارش کا سبب بننے والا ہوا کا کم دباؤ مغربی بنگال کے قریب تیار ہو کا ہے. یہ سسٹم آنے والے دنوں میں کراچی سمیت مشرقی سندھ میں تیز بارش برسا سکتا ہے.
موسمیاتی تجزیہ کار نے مزید بتایا کہ مون سون کا یہ سسٹم 26 اگست کو مشرقی سندھ میں داخل ہو سکتا ہے جس کے تحت 26 سے 27 اگست کے دوران کراچی سمیت مشرقی سندھ میں بارش کا امکان رہے گا۔