راولپنڈی ٹیسٹ میں بنگلا دیش نے پہلی اننگز پاکستان پر برتری حاصل کر لی ہے۔
پاکستان کے 448 رنز کے جواب میں بنگلادیش کی بیٹنگ جاری ہے اور بنگلا دیش نے چھ وکٹوں کے نقصان پر 476 رنز بنائے ہیں، اس طرح اب بنگلا دیش کو 28رنز کی برتری حاصل ہے اور بیٹنگ ابھی جاری ہے۔
ایک میچ میں تین سپر اوور، ٹی ٹوئنٹی میں انوکھا ریکارڈ بن گیا
پنڈی ٹیسٹ کے چوتھے روز بنگلا دیش نے اپنی پہلی نامکمل اننگز کا آغاز 316 رنز 5 کھلاڑی آؤٹ سے کیا تو مشفق الرحیم 55 اور لٹن داس 52 رنز کے ساتھ وکٹ پر تھے تاہم لٹن داس اپنے گزشتہ روز کے اسکور میں صرف 4 رنز کے اضافے کے بعد نسیم شاہ کو وکٹ دے بیٹھے۔
مشفق الرحیم نے ذمہ دارانہ بیٹنگ کا مظاہرہ کیا اور شاندار سنچری سکور کی، وہ 155 رنز کے ساتھ کریز پر موجود ہیں جبکہ ان کے ساتھ مہدی حسن مراز 49 رنز کے ساتھ بیٹنگ جاری رکھے ہوئے ہیں،میچ ڈرا کی جانب گامزن ہے۔