جکارتہ: انڈونیشیا میں مٹی کے تودے گرنے سے کان میں کام کرنے والے 15 مزدور ہلاک اور 25 لاپتہ ہو گئے۔
غیر ملکی خبر رساں ایجنسی کے مطابق انڈونیشیا کے صوبے مغربی سماٹرا میں مٹی کے تودے گرنے سے سونے کی ایک غیر لائسنس یافتہ کان متاثر ہوئی۔ جس کے باعث کان میں کام کرنے والے کم از کم 15 مزدور ہلاک اور 25 دیگر لاپتہ ہو گئے۔
آفات سے نمٹنے کے مقامی ادارے نے بتایا کہ مبینہ طور پر لینڈ سلائیڈنگ کا واقعہ صوبے کی سولوک ریجنسی کے علاقے نگری سنگائی ابو میں پیش آیا۔
یہ بھی پڑھیں: اسرائیل کا لبنان جنگ بندی کا مطالبہ ماننے سے انکار
ادارے کے سربراہ اروان آفندی نے مقامی میڈیا کو بتایا کہ اس حادثے میں 15 کان کن ہلاک، 3 زخمی اور 25 لاپتہ ہیں۔
انہوں نے کہا کہ بھاری آلات کے ساتھ مزید امدادی کارکنوں کو متاثرین کو نکالنے کے لیے تعینات کیا گیا ہے۔ غیر لائسنس یافتہ کانیں ملک میں عام ہیں اور گزشتہ برسوں میں متعدد حادثات پیش آ چکے ہیں۔