ایران نے خواتین کی حجاب نہ پہننے کی حالیہ لہر کو ذہنی مسئلہ قرار دیا ہے جبکہ بے حجاب خواتین کے لئے اہم اعلان بھی کردیا گیا ہے۔
بین الاقوامی خبر رساں ادارے کی رپورٹ کے مطابق ایران نے حجاب سے منحرف خواتین کے لیے کلینک کھولنے کا اعلان کر دیا ہے۔غیر ملکی میڈیا کے مطابق ایرانی حکومت کی جانب سے اس حوالے سے تہران میں نئے کلینک کے لیے منصوبہ بندی کا اعلان سامنے آیا ہے۔
اس کلینک کی منصوبہ بندی کی نگرانی کرنے والی مہری طالبی دریستانی نے بتایا کہ یہ ایران کا پہلا کانسلنگ کلینک ہے جو بے حجاب خواتین کا سائنسی اور نفسیاتی طریقہ کار سے علاج کرے گا۔
گوتم اڈانی کا امریکا میں 10 ارب ڈالر کی سرمایہ کاری کرنے کے منصوبوں کا اعلان
انہوں نے کہا کہ اس کلینک میں ایرانی نئی نسل، نو عمر، نوجوان، بالغ خواتین کے ساتھ ساتھ ان خواتین کا بھی علاج کیا جائے گا جو اسلامی شناخت کی خواہش مند ہیں۔
یاد رہے کہ اسلامی جمہوریہ ایران میں حجاب سے انحراف کی حالیہ لہر 2022 میں 22 سالہ مہسا امینی کی پولیس کی تحویل میں ہلاکت کے بعد شروع ہوئی تھی۔
حال ہی میں سوشل میڈیا پر ایک ویڈیو بھی وائرل ہوئی تھی جس میں دیکھا جاسکتا ہے کہ ایک خاتون نیم عریاں لباس میں تہران کی ایک جامعہ کے باہر سڑک پر چہل قدمی کررہی ہے۔