وزیراعظم شہباز شریف کل (بدھ) کے روز کراچی کا دورہ کریں گے۔
میڈیا ذرائع کے مطابق وزیر اعلیٰ سندھ مراد علی شاہ وزیراعظم کا استقبال کریں گے، وزیراعظم کو سندھ میں جاری ترقیاتی منصوبوں سے متعلق بریفنگ دی جائے گی۔
وزیر اعظم کا انسانی اسمگلروں کی جائیداد اور اثاثے ضبط کرنے کیلئے کارروائی کا حکم
وزیر اعظم شہباز شریف گورنر ہاؤس بھی جائیں گے جہاں گورنرسمیت وفاقی حکومت میں اتحادی جماعت متحدہ قومی موومنٹ (ایم کیو ایم) کے رہنماؤں سے بھی ملاقات کریں گے۔
میڈیا ذرائع نے بتایا کہ وزیراعظم تاجروں، صنعت کاروں اور کاروباری شخصیات سے ملاقات کرینگے اورمعاشی استحکام کے حوالے سے حکومتی پالیسیوں پربزنس کمیونٹی کو اعتماد میں لیں گے۔