سپریم کورٹ کی سمت تبدیل کر کے انصاف کی فراہمی بہتر کی جاسکتی ہے، چیف جسٹس

image

اسلام آباد: چیف جسٹس پاکستان جسٹس یحییٰ آفریدی نے کہا ہے کہ سپریم کورٹ کی سمت کو تبدیل کر کے انصاف کی فراہمی بہتر کی جا سکتی ہے۔

چیف جسٹس پاکستان جسٹس یحییٰ آفریدی سے سپریم کورٹ پریس ایسوسی ایشن اراکین نے ملاقات کی۔ اس موقع پر چیف جسٹس پاکستان جسٹس یحییٰ آفریدی نے کہا کہ سپریم کورٹ کا ہر جج آزاد ہے۔ اور سپریم کورٹ کا ہر جج کیس کو اپنے انداز سے دیکھتا ہے۔

انہوں نے کہا کہ ججز کو بریکٹ نہیں کیا جانا چاہیے۔ اور ججز پر تنقید بھی تعمیری ہونی چاہیے۔ چیف جسٹس بننے کا فیصلہ اتنی جلدی میں ہوا کہ میں حلف برداری کا سوٹ بھی نہیں خرید سکا۔

یہ بھی پڑھیں: موجودہ حکومت اپنی مدت پورے کرے تو ملک کی تقدیر بدل جائے گی، وزیر اعلیٰ پنجاب

جسٹس یحییٰ آفریدی نے کہا کہ سپریم کورٹ میں اصلاحات سے متعلق اقدامات کیے گئے۔ ہائی کورٹ اتھارٹی کا احترام ہے۔ اور براہ راست ہائی کورٹ کی اتھارٹی یا ماتحت عدلیہ میں مداخلت نہیں ہو گی۔

انہوں نے کہا کہ سپریم کورٹ ٹائیٹینک ہے اس کو آپ تبدیل نہیں کر سکتے۔ تاہم سپریم کورٹ کی سمت کو تبدیل کر کے انصاف کی فراہمی بہتر کی جا سکتی ہے۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.