بلوچستان کے ضلع خاران میں مسلح افراد نے جوڈیشل کمپلیس پر حملہ کرکے عمارت کو آگ لگادی جبکہ قاضی کو بھی اغوا کرکے ساتھ لے گئے۔
بدامنی سے متاثرہ بلوچستان کے ضلع خاران میں نامعلوم مسلح افراد نے مسکان کے علاقے میں واقع جوڈیشل کمپلیکس کی عمارت پر حملہ کردیا اور عمارت کو آگ لگادی۔
سوشل میڈیا پر وائر ل ویڈیو میں دیکھا جاسکتا ہے کہ ایک عمارت میں آگ کے باعث دھواں اٹھ رہا ہے اور لوگ کھڑے ہیں۔
خاران پولیس حکام نے واقعہ کی تصدیق کرتے ہوئے "ہماری ویب" کو بتایا کہ مسلح افراد نے مسکان قلات میں واقع جوڈیشل کمپلیکس پر حملہ کیا، جہاں پر سیشن کورٹ بھی موجود ہے، مسلح افراد نے عدالت کو آگ لگادی جبکہ قاضی کو اپنے ساتھ لے گئے۔