چہرے کی خوبصورتی ہر کسی کو اچھی لگتی ہے لیکن جب ایکنی ہو جائے تو یوں معلوم ہوتا ہے جیسے چہرہ بلکل خراب ہوگیا ہے، میک آپ بھی کریں تو وہ فکس نہیں ہوتا اور نہ جلد نرم و ملائم رہتی ہے۔
اسی لئے عام طور پر خواتین مختلف اینٹی ایکنی دوائیں بھی استعمال کرتی رہتی ہیں اور مختلف ٹوٹکے بھی، مگر بہتر یہی ہے کہ وہ ٹپس استعمال کی جائیں جو ڈاکٹر بھی مشورے دیتے ہیں تاکہ جلد پر کوئی سائیڈ ایفیکٹ نہیں ہو۔
آج وومن کارنر سے جانیے ڈاکٹر خرم کا بتایا گیا ایکنی کو کنٹرول کرنے کا بہترین طریقہ جو نہ صرف ایکنی کو کنٹرول کرے بلکہ جلد کو بھی حسین بنائے۔
کریم بنانے کا طریقہ:
3
اسٹابیری، ایک چمچ شہد، ایلوویرا کا خالص گودا ایک کھانے کا چمچہ، ایک چمچ گرین ٹی، ایک چمچ گلیسرین، ایک چھوٹا ٹکڑا دودھ میں بھیگی ہوئی ملتانی مٹی جبکہ کچے دودھ کی مقدار زیادہ ہو کم سے کم 5 چمچ، ایک کھانے کا چمچ حسنِ یوسف پاؤڈر، 5 سے 6 عدد گُلِ خیرو (ڈرائیڈ چائنہ روز)، ایک چائے کا چمچ اُبٹن، دو کھانے کا چمچ عرقِ گلاب اب ان اجزاء کو بلینڈ کر کے ائیر ٹائٹ کنٹینر میں رکھ لیں۔
استعمال کرنے کا طریقہ:
بلینڈ کر کے اس کریم کو روزانہ 7 دن تک لگائیں اور یاد رکھیں کہ ِاسے 7 دن تک ہی رکھا جا سکتا ہے تو اس کو 7 دنوں میں ختم کر کے اگلے ہفتے کے لئے دوبارہ تیار کریں۔