خواتین اپنے بالوں کو لے کر بہت زیادہ حساس ہوتی ہیں، زرا سے بال گرنے شروع ہوئے کہ پریشان ہوجاتی ہیں۔ اور ہوں بھی کیوں نہیں، بال عورت کی شخصیت اور خوبصورتی کو نکھارتے ہیں۔ آج کل جس طرح کا ماحول چل رہا ہے ایسے میں بال جھڑنے کا مسئلہ مزید بڑھ گیا ہے، چھوٹی عمر میں ہی لڑکے لڑکیوں کے سر میں گنج پن آنے لگا ہے۔
اس مسئلے کو دیکھتے ہوئے آج ہم آپ کے لیئے لائے ہیں ایک ایسا زبردست تیل، جو آپ کے بالوں کو گھنا کرنے ساتھ ساتھ انہیں جھڑنے سے بھی روکے گا۔ آئیے جانتے ہیں یہ کیسے بنے گا
ایلوویرا میں رات بھر لونگ دبا کر رکھنا:
¬¬¬¬
ایلوویرا کا تیل بنانے کیلیئے سب سے پہلے اسکا ایک پتّا لیں، اسے بیچ سے کاٹ کر اس میں ایک چمچ کے قریب لونگ دبا دبا کر لگائیں، اور پھر اسے ایک کپڑے میں باندھ کر کپڑے کو گیلا کریں اور رات بھر کیلیئے چھوڑ دیں۔
اگلے دن لونگ سمیت ایلوویرا کا سارا گودا نکال لیں اور ایک برتن میں 1 کپ زیتون کے تیل کے ساتھ ملا کر 10 منٹ تک چولہے پر پکائیں، اور اسکے بعد چھان کر کانچ کی بوتل میں رکھ دیں
اس تیل کو آپ 6 مہینے تک استعمال کرسکتی ہیں، بس لگانے سے پہلے اسے ہلکا سا گرم کریں اور اچھے سے بالوں کی جڑوں پر اسکا مساج کریں
اس تیل کے استعمال سے بال جھڑنے میں کمی آئے گی اور وہ گھنے بھی ہونگے۔