آنکھوں کے سیاہ حلقے چھپانے کے لئے خواتین بہت زیادہ پریشان نظر آتی ہیں، اور اس پریشانی کے عالم میں ان کے یہ حلقے مزید بڑھ جاتے ہیں، اور پھر ڈھیر سارا میک اپ کرکے چھپانا پڑتا ہے، جس سے چہرے پر بھی بُرا اثر پڑتا ہے۔
آج ہم آپ کو زبیدہ آپا کے کارآمد ٹوٹکے بتانے جا رہے ہیں، جن کے استعمال سے گھر بیٹھے آپ کے بھی کالے حلقے ختم ہو جائیں گے:
ٹپس:
٭ اُبلے ہوئے چقندر کھائیں، چاہے اس کو سالن کے ساتھ کھائیں یا سلاد کے ساتھ، کیونکہ چقندر میں رنگ صاف کرنے والا مادہ شامل ہوتا ہے یہ آپ کی رنگت بھی نکھارے گا اور کالے حلقوں سے چھٹکارہ بھی دلوائے گا۔
٭ روزانہ 8 سے 9 گلاس پانی پیئیں، ڈی ہائیڈریشن کی وجہ سے بھی کالے حلقے پڑ جاتے ہیں۔
٭ ایک آلو کو ابالیں، اس کو چھیل کر کچلا کرلیں اور اس کو برف کے کیوبز میں 5 منٹ کے لئے ڈال کر چھوڑ دیں، پھر اس آلو کے کچلے کو چہرے پر لیپ کرکے 15 منٹ چھوڑ دیں، اس کے بعد برف کے ٹھنڈے پانی سے چہرے کو دھو لیں۔
یوں کال حلقے بھی ختم ہو جائیں گے۔
٭ بائیں ہاتھ کی چوتھی انگلی پر زیتون کا تیل لگا کر اس کو رات سونے سے قبل آنکھوں کے گرد لگائیں۔
یہ تمام ٹپس آپ بھی استعمال کریں اور بہت جلد فائدہ اٹھائیں۔