لمبے بال ہر عورت کا خواب ہوتا ہے لیکن انہیں لمبے کرنے میں مہینوں سے سال تک کا عرصہ لگ جاتا ہے، آج ہم آپ کو چند ایسے طریقے بتا رہے ہیں جن کو اپنا کر آپ قدرتی طریقے سے بالوں کو بڑھا سکتے ہیں۔
بال بڑھانے والی چند عادات
• یہ سوچ بلکل غلط ہے کہ بالوں کی نوکیں کاٹنے سے بالوں کی لمبائی میں فرق آتا ہے، درحقیقت یہ اسپلٹ اینڈز کو ختم کر کے ان کو تیزی سے بڑھنے میں مدد دیتا ہے، ہر 3 ماہ میں ایک بار بالوں کی نوکیں لازمی کاٹنی چاہیئے۔
• شیمپو بالوں کو صاف کرنے کے لئے کیا جاتا ہے لیکن اس کا استعمال صرف ضرورت کے تحت کریں، روزانہ کی بنیاد پر شیمپو کرنا بال خراب کر دیتا ہے اور پھر یہ بڑھتے نہیں ہیں۔
• شیمپو کے بعد صرف بالوں کے سِروں پر کنڈیشنر کا استعمال کرنا لازمی ہے، لیکن یہ یاد رکھیں کہ اسے بالوں کی جڑوں پر استعمال نہ کریں۔
• بالوں میں باقاعدگی سے تیل لگانا بےحد ضروری ہے، تیل بالوں کی جڑوں کو مضبوط بنا کر انہیں ٹوٹنے اور جھڑنے سے روکتا ہے، ہفتے میں دو مرتبہ تیل لگانے کی عادت بنا لیں۔
• بالوں میں کنگھی یا برش پھیرنے سے سر کی جلد میں خون کی روانی تیز ہوتی ہے، جو لوگ بالوں کو بہت کم کنگھی کرتے ہیں ان کے بال زیادہ جھڑتے ہیں، اس لئے روز رات کنگھی ضرور کریں۔