سفید بال اب صرف بوڑھوں کے نہیں جوان بچوں کے بھی ہوجاتے ہیں جو کہ شخصیت میں اعتماد کو ختم کرنے کی وجہ بھی بن سکتے ہیں۔ بہرحال اب آپ گھر بیٹھے بناء کسی کیمیکل کے اپنے بالوں پر یہ نسخہ اپلائی کریں اور پائیں حسین کالے بال۔
طریقہ:
٭ چار چمچ کلونجی کو پین میں ڈال کر اچھی طرح گرم کرلیں پر اس میں سرسوں کا تیل ڈال کر بیس منٹ پکالیں اور بعد میں میتھی دانہ بھی ڈال کر تیل کو پکالیں۔
٭ ایلوویرا کا ایک ٹکڑا لیں اس کو چھوٹے چھوٹے ٹکڑوں میں کاٹ کر بلینڈر میں ڈال لیں ساتھ ہی اس میں ایک آلو کاٹ، ایک لیموں کا رس اور آمل پاؤڈر ڈال کر مکس کرلیں۔
٭ ایلوویرا کے پیسٹ کو کلونجی کے تیل میں ڈال کر مکس کریں اور اس کو بالوں میں ایک سے ڈیڑھ گھنٹے لگا رہنے دیں اس سے قدرتی طور پر آپ کے بال کالے ہوں گے۔
ایک دفعہ کا استعمال بہتر رزلٹ نہیں دے سکتا لہٰذا اس کو ہفتے میں دو مرتبہ لگائیں اور کیمیکل والے رنگوں سے نجات پائیں۔