موسم کوئی بھی ہو خواتین اپنی جلد اور اس کی خوبصورتی کو لے کر بہت حساس نظر آتی ہیں اور آج کل تو سکن کیئر کے اتنے پراڈکٹ مارکیٹ میں نظر آتے ہیں کہ ان کو دیکھ دیکھ کر خرید کر اور استعمال کرکے جلد کا بیڑہ غرق ہوگیا ہے اور ڈٹرماٹولوجسٹ کے کلینک پر مریضوں کی لائن لگ گئی ہے۔ جوکہ ایک یقیناً تکلیف دہ بات ہے۔ ہمیں چاہیئے کہ ہم صرف قدرتی چیزوں کے استعمال پر انحصار رکھیں اور کوشش کریں کہ کیمیکل والی چیزوں اور خصوصاً کریموں کو تو چہرے پر استعمال نہ کریں ورنہ اس سے جلد کی خوبصورتی بالکل ختم ہو کر رہ جاتی ہے۔
ہماری ویب کے اس وومن سیکشن میں ہمیشہ آپ کی مدد اور خوبصورتی کو نکھارنے کے لئے مفدی مشورے دیئے جاتے ہیں جس کے باعث یہ خواتین کی خاص دلچسپی کی ایک اہم وجہ ہے۔
بالکل ایسے ہی ہم آپ کو آج بتانے جا رہے ہیں کہ کیسے آپ کی جلد پر گلابی نکھار آئے گا وہ بھی صرف چند ہی دنوں میں اور اجزاء دونوں ہی قدرتی ہیں جن کا کوئی سائیڈ افیکٹ بھی نہیں ہے۔
ٹپس:
٭ ایک چقندر کو دھو کر کدو کش کرلیں۔
٭ اس کے بعد ایک ہلکے سے ململ کے کپڑے پر اس کو رکھیں اور ہاتھوں کی مدد سے زور دے کر رس نکال لیں، اس طرح نکلا ہوا رس بالکل تازہ اور فائدے مند ہوگا۔
٭ بس اس رس کو فریزر میں رکھ لیں، جب بھی چہرے پر گلو اور چمک چاہیئے ہو ایک چمچ دہی میں چقندر کا یہ رس مکس کریں اور چہرے پر لگالیں۔
٭ اس پیسٹ میں آپ ملائی کا بھی استعمال کرسکتی ہیں اور ساتھ ہی گلاب کا عرق بھی۔ اس سے آپ کی جلد نرم ملائم بھی ہوگی اور موائسچرائز بھی ہو جائے گی۔