ہر کوئی چاہتا ہے کہ وہ جوان نظر آئے، اسکی جلد سدا بہار رہے اور جتنا ممکن ہوسکے جھریاں کو وقت سے پہلے آنے سے روکا جاسکے کیونکہ اچھا دکھنا سب کا حق ہے۔ لیکن یہ جوانی اور خوبصورتی ایسے ہی نہیں مل جاتی، اسکے لیئے محنت کرنی پڑتی ہے خود کو وقت دینا پڑتا ہے اور اپنا خیال رکھنا پڑتا ہے۔
پر اگر گھریلو مصروفیات کی وجہ سے آپ کے پاس وقت نہیں ہوتا تو، ہم آپ کو ایک ایسا آسان طریقہ بتاتے ہیں جس پر عمل کرنے کیلیئے آپ کو بس 1 منٹ کا وقت لگے گا۔
جی ہاں! آج ہم آپ کو ایسا اسپرے بنانا سیکھا رہے ہیں جس کے روزانہ استعمال سے آپ کے چہرے اور گردن پر لائنز نہیں آئیں گی، اور اسکن بھی ٹائٹ رہے گی۔
اسکن ٹونر بنانے کا طریقہ:
۔ ایک مٹھی سے تھوڑی کم لونگ لے کر اسے ڈنڈے کونڈے میں ڈال کر کُوٹ لیں، یا پھر گرینڈ کرلیں
۔ اب 1 گلاس پانی میں یہ لونگ کا چورا شامل کر کے 10 منٹ تک ابال کر چھان لیں
۔ ٹھنڈا ہونے کے بعد اب اس لونگ کے پانی کو اسپرے بوتل میں ڈال دیں
۔ روزانہ دو بار گردن اور چہرے پر اسکا استعمال کریں، ایک بار دن میں ایک بار رات میں سوتے وقت
۔ اس سے آپ کی جلد جوان اور خوبصورت نظر آئے گی لمبے عرصے تک اور جھریوں کا مسئلہ بھی حل ہوجائے گا