اکثر خواتین گھر کے کاموں میں اتنا مصروف ہوتی ہیں کہ انہیں پارلر جانے کا وقت ہی نہیں ملتا، اور یوں ان کا چہرہ دن بہ دن چولہے کے آگے کام کرنے کی وجہ سے مرجھا سا جاتا ہے۔

لیکن اب گھریلو خواتین پریشان نہ ہوں کیوں کہ ہم آج آُ کو ایک ایسا فیشل بتانے والے ہیں جس کے لئے آپ کو پارلر جانے کی ہر گز ضرورت نہیں بس گھر بیٹھے دہی سے فیشل کریں اور پائیں نکھرا نکھرا چہرہ، تو چلیں پھر شروع کرتے ہیں آسان اور سستہ فیشل۔

دہی سے فیشل کرنے کا طریقہ:

دہی سے فیشل کرنے کے تین بنیادی مراحل ہیں، کلینزنگ، اسکرب اور ماسک۔

دہی سے کلینزنگ:

فیشل کرنے کے لئے سب سے پہلے کلینزنگ کرنا ہوتی ہے اس کے لئے دو چمچ دہی اور آدھے لیموں کا رس اچھی طرح ملائیں اور اس کو چہرے پر لگا کر کم از کم دس منٹ تک مساج کریں، پھر ٹھنڈے پانی سے چہرے کو دھو لیں۔

دہی کا اسکربر:

دہی سے اسکربر بنانے کے لئے ایک چمچ دہی اور چاول کا آٹا ملا کر چہرے پر لگائیں، پھر دس سے پندرہ منٹ تک مساج کریں اور دھو لیں۔

دہی کا فیس ماسک:

دہی والا فیس پیک تیار کرنے کے لئے بیسن، دہی، ہلدی، شہد، عرقِ گلاب اور لیموں کا رس برابر برابر مقدار میں لے کر اچھی طرح مکس کر کے پیک بنائیں اور چہرے پر لگا کر بیس منٹ کے لئے چھوڑ دیں پھر ٹھنڈے پانی چہرہ دھو لیں، ایک دم نکھرا ہوا چہرہ پائیں گی۔