آج کل سب بچوں کے امتحان قریب ہیں تو وہ اپنے امتحان کی تیاریوں میں راتوں کو جاگ کر اپنی پڑھائی کرنے میں لگے رہتے ہیں اس سے ان کی تیاری تو ہوجاتی ہے لیکن آنکھوں کے نیچے سیاہ حلقے ہو جاتے ہیں ، اور رات جاگنے یا نیند پوری نہ ہونے کی وجہ سے آنکھوں کے حلقوں کے علاوہ چہرہ بھی بے رونق ہوجاتا ہے۔ اس کے لئے ایسا کیا کیا جائے کہ کم خرچ میں آنکھوں کے حلقوں اور چہرے کی بے رونقی دونوں کا علاج ہو جائے تو ہم یہاں آپ کے لئے ڈاکٹر بلقیس کی بہت آسان ریمیڈی لے کر آئے ہیں جس سے نہ صرف اسکن پر گلو آئے گا بلکہ جلد کے داغ دھبے بھی دور ہوجائیں گے۔
ہلدی آدھا چائے کا چمچ
ایلوویرا جیل 2 کھانے کے چمچ
ناریل کا تیل 1 کھانے کا چمچ
دہی 1 کھانے کا چمچ (بھر کے)
ان تمام چیزوں کو ملا کر اتنا پھینٹیں کہ یہ یک جان ہو جائیں اور کریم کی شکل میں آجائیں۔ ہلدی اگر ثابت لے کر پیسی جائے تو زیادہ بہتر ہے۔ اب اس بنائی ہوئی کریم کو کسی برش کی مدد سے اپنے پورے چہرے پر لگا رہنے دیں اور 5 سے 10 منٹ کے بعد چہرے کا مساج کرنا شروع کریں اور اس کریم کو اپنے چہرے پر جذب کرنا شروع کریں۔ 5 سے 10 منٹ اسے مساج کریں اور پھر چہرہ دھولیں۔ آپ کو پہلی دفعہ میں ہی اپنے چہرے پر واضح فرق نظر آجائے گا۔ ہفتے میں دو دفعہ اسے لگائیں ، چند ہی دن میں چہرے پر قدرتی چمک اور نکھار آجائے گا۔