آج وومن کارنر آپ کو کینو کے چھلکوں سے لوشن بنانے کا نہایت ہی آسان طریقہ بتانے جارہے ہیں، جس سے آپ سردیوں میں اپنی جلد کی خفاظت کرسکتی ہیں۔

کینو (نارنگی) ایک ایسا پھل ہے جو قدرت کے خزانے سے مالا مال ہوتا ہے، ایک طرف جہاں اسے کھانے کے بے شمار فائدے ہیں وہیں دوسری طرف یہ نسوانی حسن میں اضافے کے بھی کام آتا ہے۔ پورا سال مارکیٹوں میں آرنج فلیور کے لاتعداد پروڈکٹس فروخت ہوتے ہیں کیونکہ یہ اسکن وائٹننگ کے طور پر بہترین سمجھا جاتا ہے۔

مارکیٹ پروڈکٹس چونکہ مہنگے ہوتے ہیں اسلیئے کافی لوگ اسے خرید نہیں پاتے، اور کچھ خواتین کیمیکلز کی وجہ سے نہیں لیتی ہیں۔ تو آج دونوں طرح کی خواتین کیلیئے پیش ہے گھر میں کینو کا لوشن بنانے کا طریقہ، جو سردیوں کے موسم میں خشکی سے آپکی جلد کی حفاظت کرنے کے ساتھ ساتھ اسے صاف، چمکدار اور بے داغ بھی بنائے۔

کینو کے چھلکوں سے لوشن بنانے کا طریقہ:

۔ سب سے پہلے کینو کو چھیل کر اس کے چھلکوں کو لمبائی میں کاٹ لیں، کینو کے تازے چھلکے لینے ہیں

۔ ان چھلکوں کو گرینڈر میں ڈالیں اور اس میں تھوڑا سا کینو کا جوس شامل کریں اور پیس لیں

۔ جوس اتنی مقدار میں لیں کہ بس وہ گرینڈ ہوجائے، زیادہ نہیں ڈالنا ہے

۔ اب بادام کا تیل لیں اور ایک بوتل میں اسے اور کینو کے مکسچر دونوں کو برابر مقدار میں ڈال کر اچھے سے مکس کرلیں، لوشن تیار ہے

۔ اسے استعمال سے پہلے ہلائیں پھر لگائیں