آج کل ہماری طرزِ زندگی اتنی مصروف ہے کہ ہم اپنی جِلد کا خیال ہی نہیں رکھتے اور یہی وجہ ہے کہ خواتین وقت سے پہلے ہی اپنے جلد پر آنے والی جھائیوں اور جھریوں کی وجہ سے عمر رسیدہ لگنے لگیں ہیں، آج ہم آپ کو بتا رہے ہیں ڈاکٹر بلقیس کا بتایا ہوا ایک ایسا فیس سیرم جسے استعمال کر کے آپ بڑھتی عمر کے اثرات کو روک سکتی ہیں۔
فیس سیرم بنانے کا طریقہ
• آدھا کپ گاجر کو باریک کاٹ کر بلینڈر میں ڈالیں اس میں 3 چمچ دہی بھی شامل کریں اور اچھی طرح بلینڈ کریں کہ یہ دونوں اجزاء بلکل یکجان ہو جائیں۔
• اب اس مکسچر کو ململ کے کپڑے سے چھان لیں۔
• اب اس مکسچر کو ایک پیالی میں نکال کر اس میں دو چمچ ایلوویرا جیل ڈالیں۔
• اس میں ¼ چائے کا چمچ سیب کا سرکہ شامل کریں، اس مکسچر کو ایک اسپرے بوتل میں بھر کر فریج میں رکھ لیں اور روزانہ رات کو منہ دھو کر سونے سے پہلے یہ لگا کر سوئیں۔
• اس سے آپ کی جلد ترو تازہ جوان ہو جائے گی جلد کھِچ جائے گی اور جھائیاں دور ہوں گی۔