عام طور پر ہمیں یہ لگتا ہے کہ اداکاراؤں کی خوبصورتی کا راز صرف میک اپ ہے جبکہ ایسا نہیں ہے کیونکہ جب تک اسکن اچھی نہیں ہوگی تب تک کوئی بھی میک اپ آپ کو حسین نہیں دکھا سکتا۔ آج کل اداکارائیں اپنی روز مرہ کی اسکن کیئر روٹین اپنے مداحوں کے ساتھ شئیر کرتی نظر آتی ہیں کچھ کیمیکل پروڈکٹس کا استعمال کرتی ہیں تو کچھ گھریلو نسخوں اور ٹوٹکوں کا۔

حال ہی میں ڈرامہ کیسی تیری خود غرضی میں مرکزی کردار ادا کرنے والی اداکارہ درِفشاں سلیم نے بھی اپنے فینز کے ساتھ ایک ویڈیو شئیر کی جس میں وہ اپنی خاندانی بیوٹی ٹپ بتاتی ہوئی نظر آئیں

دُرِفشاں بیوٹی سیکرٹ:

اداکارہ نے بتایا کہ یہ ماسک ان کی جلد کو صاف اور تر و تازہ کردیتا ہے، ماسک بنانے کیلیئے آپکو چاہیئے

۔ ایک چمچ جو کا آٹآ

۔ ایک چمچ کینو کے چھلکوں کا پاؤڈر

۔ ایک چمچ بادام کا پاؤڈر

۔ ایک چمچ دہی

۔ ایک سے دو چمچ دودھ

ان تمام چیزوں کو آپس میں ملا کر نرم کریم جیسا بنا لیں، اور منہ صاف کرنے کے بعد اس ماسک کو اپنے چہرے پر لگا کے 15 سے 20 منٹ خشک ہونے کیلیئے چھوڑ دیں، جب یہ پوری طرح خشک ہوجائے تو ہلکا سا چہرہ گیلا کر کے مساج کریں اوپر کی جانب اسکے بعد سادے پانی سے منہ دھو لیں۔