آئی برو بنوانے کے لیے پارلر کا رخ کرنا پڑتا ہے اور درد سہنا پڑتا ہے ظاہر ہے تھریڈنگ سے بنوائیں آئی برو یا پھر ویکسنگ کے ذریعے درد تو دونوں صورتوں میں ہوتا ہے۔ لیکن اگر آپ کو ایسا طریقہ پتہ چل جائے جس سے نہ ہو درد اور نہ کوئی کھچاؤ اور جلن تو یقیناً آپ بھی چاہیں گی کہ فوری اس کو آزما لیں۔ تھریڈنگ سے جلد پر نشانات پڑ جاتے ہیں کہیں دھاگے سے کٹ بھی جاتا ہے اور ویکسنگ سے چہرے پر جلن لگتی ہے اور سارا خون ایک جگہ جمع ہو جاتا ہے۔ اس سب سے بچنے کے لیے آپ فلولیس آئی برو اور اپرلپ بنانے کی مشین لے آئیے یہ آپ کو 1500 میں بازار میں بآسانی مل جائے گی اور درد بھی نہیں ہوگا۔
یہ پراڈکٹ آپ کو کسی بھی کاسمیٹک کی شاپ میں بآسانی مل جائے گا جس کی قیمت 1500 سے شروع ہوتی ہے اور 3 ہزار روپے تک مل جاتی ہے۔ اس سے آپ چہرے کے اضافی بالوں کو بآسانی بنا کسی درد کے ختم کر سکتے ہیں۔ اب آئی برو ہو یا اپرلپ، تھوڑی کے بال ہوں یا ماتھے پر اضافی بال، ہاتھوں کے بال ہوں یا ٹانگوں کا رواں آپ بآسانی اس کو پھیر کر سارے اضافی بال ختم کر سکتے ہیں۔ اس سے نہ صرف بال ختم ہوں گے بلکہ درد بھی نہیں ہوگا اور جلد بھی نرم و ملائم، صاف ستھری و چمکدار رہے گی۔
یہ آپ آن لائن آرڈر پر بھی منگوا سکتی ہیں اور خود بازار سے بھی لے سکتی ہیں اس کو استعمال کرنا بھی آسان ہوتا ہے۔ اس میں آپ کو ایک سے دو بیٹری والے سیلز لگانے پڑتے ہیں اور آگے جہاں بلیڈ لگے ہوتے ہیں اس کے 2 منہ دیے جاتے ہیں ایک باریک بالوں کو نکالنے کے لیے اور ایک موٹے بالوں کو نوچنے کے لیے، بس اپنے بالوں کے حساب سے بلیڈ کو تبدیل کردیں اور تمام اضافی بالوں سے جان چھڑائیں۔