عرق گلاب یعنی گلاب کاپانی جسے ہم عام طور پر خوشبو کے لئے استعمال کرتے ہیں ۔ اور اس کے علاوہ عرقِ گلاب کو کھانوں میں بھی استعمال کیا جاتا ہے ۔ عرق گلاب جلدکے نکھار اور آنکھوں کی جلن کے لئے بھی استعمال کیا جا تاہے ۔
درج ذیل میں عرق گلاب کو گھر میں بنانے کا طریقہ بتایا گیا ہے جس سے آپ گھر میں خالص عرقِ گلاب بنانا سیکھ سکتے ہیں ۔
۱۔ سب سے پہلے گلاب کے پھول کو دھو کر اس کی پتیاں الک کرلیں ۔
۲۔ ایک دیگچی لیں اور اس میں لوہے کا اسٹینڈ یا چھوٹی اسٹیل کی پلیٹ کو اُلٹا کرکے اندر رکھ دیں ۔
۳۔ اب دیگچی میں اتنا پانی ڈالیں کہ پتیاں ڈوب جائیں ۔
۴۔دیگچی کے ڈھکن کو اُلٹا رکھ کر ڈھک دیں ۔
۵۔ دیگچی کے اوپر برف کے ٹکڑے رکھ دیں اور ہلکی آنچ پر چھوڑدیں 20سے 30منٹ کے لئے ، اگر برف پگھل جائے تو مزید بَرف کے ٹکڑے رکھ دیں ۔
۶۔20سے 30منٹ میں گلاب کی پتیاں سفید ہو جائیں گی ۔
۷۔پھر چولہا بند کرکے اسے ٹھنڈا ہونے دیں ۔
۸۔عرق گلاب تیا رہے ۔