ہیئر ڈائی کا فیشن ہر عمر کی خواتین میں بے حد مقبول ہے اور اس کے لئے خواتین مہنگے مہنگے کلر کرواتی ہیں، لیکن یہ ہر عورت کے لئے آسان نہیں کہ وہ اتنا زیادہ مہنگا کلر ہر کچھ دنوں میں کروائے اس لئے آج ہم آپ کے لئے لائے ہیں گھر میں آسانی سے کلر کرنے کا آسان طریقہ جو ہے کیمیکل سے پاک اور بنائے آپ کے بالوں کو مضبوط اور چمکدار، چلیں تو پھر جان لیں اسے کیسے کرنا ہے۔
گھر میں ہئیر ڈائی کرنے کا آسان طریقہ
سب سے پہلے ایک پیالی میں 4 کھانے کے چمچ بھر کر کافی لے لیں۔
اب اس میں ایک پیکٹ مہندی مکس کریں۔
اب آدھا کپ دہی یا پھر آدھا کپ کنڈیشنر اس میں شامل کریں۔
اب اسے اچھی طرح مکس کر کے اگر ضرورت ہو تو نیم گرم پانی شامل کر کے اچھی طرح آمیزہ تیار کر لیں۔
پھر بالوں کو چار حصوں میں تقسیم کریں اور ہاتھوں میں گلوز پہن کر برش کی مدد سے یہ ڈائی سر کی جڑوں سے سِروں تک اچھی طرح لگا لیں۔
2 گھنٹے بعد سادے پانی سے سر دھو لیں۔
یاد رہے کہ شیمپو ہر گز فوری نہ کریں۔
لیجئیے ہو گئے گھر میں آسان اور سستے طریقے سے ہئیر ڈائی۔