مہنگائی کے اس دور میں ہر کوئی چاہتا ہے کہ کسی نہ کسی طرح پیسوں کی بچت کی جائے اور جتنا ممکن ہوسکے سستے میں کام ہوجائے۔ اسی لیئے خواتین نت نئے طریقے آزماتی رہتی ہیں جس سے ان کو فائدہ ہو سکے، تو آج ہم انھی خواتین کیلیئے لائے ہیں ایسا نسخہ جس سے بچت بھی ہو اور فائدہ بھی۔

سردیوں کی آمد سے پہلے خشک موسم آچکا ہے جس سے ہاتھ پاؤں اور ایڑیاں بری طرح متاثر ہوچکی ہیں، انھیں ٹھیک کرنے کیلیئے مہنگے لوشن خریدنے پڑتے ہیں جو کچھ خاص فائدہ نہیں پہنچاتے۔ تو آئیے آپ کو بتاتے ہیں گھر میں لوشن بنانے کا طریقہ جو صرف آپ کے پاؤں اور ایڑیوں کیلیئے ہے

صابن کے ٹکڑوں سے لوشن بنانے کا طریقہ:

صابن کے ٹکڑے تو ہر گھر میں ہی موجود ہوتے ہیں جنھیں آخر میں پھینک دیا جاتا ہے، کیونکہ نیا صابن کھلنے کے بعد اسے کوئی استعمال نہیں کرتا۔ لیکن اب اسے پھینکیں نہیں بلکہ جمع کرکے یہ لوشن بنائیں

۔ صابن کے ٹکڑوں میں ایک پیالے میں تھوڑے سے پانی میں بھگا کر رات بھر کیلیئے رکھ دیں

۔ صبح وہ بلکل نرم ہوچکے ہونگے، اب اسے اچھے سے ہلا کر اس میں 7 سے 8 چمچ گلیسرین شامل کریں

۔ اسکے بعد اسے مکس کر کے ایک جان کرلیں اور کسی پلاسٹک یا کانچ کی بوتل میں بھر کر رکھ دیں

۔ اب رات کو سوتے وقت اسے اپنے پیروں پر لگائیں اور پوری رات لگے رہنے دیں پھر صبح اٹھ کر سادے یا نیم گرم پانی سے پیروں کو دھولیں

۔ ایک ہفتے میں آپ کے پیر اور ایڑیاں دونوں بہت نرم و ملائم ہوجائیں گے اور اس میں پڑی دراڈیں بھی بھرنا شروع ہوجائیں گی