گردن پر لکیریں صرف بڑھاپے کی ہی نہیں بلکہ اس بات کی نشاندہی بھی کرتی ہیں کہ آپ اپنی گردن سے کتنے لاپرواہ ہیں۔ اس آرٹیکل میں آپ کو بتایا جارہا ہے دس منٹ کا ایسا آسان ٹوٹکہ جسے آزما کر صرف ایک ہفتے میں ہی گردن کی لکیریں بہت حد تک کم کی جاسکتی ہیں۔
اشیاء
گردن سے لکیریں ختم کرنے کے لئے آپ کو چاہئیے دو چائے کا چمچ بیسن، آدھا چائے کا چمچ بیکنگ سوڈا، لیموں کا رس ایک چائے کا چمچ(اگر جلد خشک ہے تو آدھا چائے کا چمچ لیں)، آدھا چائے کا چمچ ناریل یا بادام کا تیل اور آدھا چمچ دہی۔
طریقہ استعمال
اس آمیزے کو اچھی طرح مکس کرلیں اور اپنی گردن دھو لیں۔ ایک تولیہ کو پانی میں بھگو کر اچھی طرح نچوڑ کر گردن کو اس سے صاف کرلیں۔ اور برش کی مدد سے آمیزے کی ایک پتلی تہہ گردن پر لگائیں۔ دس منٹ اس ماسک کو لگانا ہے اور گردن کو بالکل سیدھا رکھنا ہے۔ دس منٹ بعد ہلکے ہاتھوں سے اوپر کی جانب رگڑتے ہوئے ماسک کو اتار لیں۔ بہترین نتائج کے لئے یہ ماسک ہفتے میں تین بار استعمال کریں۔ آپ کو واضح فرق محسوس ہوگا۔
احتیاط
یہ ٹوٹکہ مشہور اداکارہ اور وی لاگر غزل صدیقی نے اپنی ویڈیو میں شئیر کیا ہے۔ غزل مختلف پروگرامز کی میزبانی کرچکی ہیں جس کی وجہ سے انھیں لوگوں کے مسائل اور ان کے حل کے لئے کافی ٹوٹکے پتا ہیں۔ البتہ کسی بھی قسم کی حساسیت سے بچنے کے لئے پہلے ٹوٹکے کو جسم کے کسی چھوٹے حصے پر آزما لینا زیادہ بہتر ہوتا ہے۔