صرف چہرہ چمکتا اور صاف ستھرا ہونا خوبصورتی کی علامت نہیں ہوتی، ہم لوگ اپنے چہروں کو خوبصورت بنانے میں اپنی کہنیوں، گٹھنوں اور گردن کی طرف توجہ دینا چھوڑ دیتے ہیں جس کی وجہ سے ہم ایسے کپڑے تلاش کرتے ہیں جن می گردن نظر نہ آئے، آستین پوری یا کوارٹر پہنتے ہیں کہ کہیں کسی کو کالی کہنی نظر نہ آئے، کہیں انگلیوں کے کالے پوروں پر کسی کی نظر نہ جائے، لیکن اپنے ان حصوں کا خیال نہیں رکھتے ہیں، ایسے میں آج ہماری ویب ان تما پریشان حال خواتین کے لئے سستے اور گھریلو نسخے لے کر آئی ہے جو اسکن ڈاکٹر بھی بتاتے ہیں:

گردن:

٭ جن کی گردن کالی ہے، ان خواتین کو چاہیئے کہ وہ روزانہ دن میں دو مرتبہ ایک چمچ دودھ کو ایک چمچ لیموں کے رس اور آدھا چمچ میٹھا سوڈا میں مکس کرکے پیسٹ بنائیں اور گردن پر لگا کر 5 منٹ مساج کریں اور چھوڑ دیں، اس کے بعد آپ پانی سے دھو کر ایک ٹشو پیپر پر وکس بام لگائیں اور اس ٹشو سے گردن کو صاف کریں، آپ دیکھیں گی کہ گردن کی میل اس ٹشو پر آنے لگے گی، یوں 3 ماہ کے استعمال کے بعد آپ کو واضح فرق نظر آئے گا۔

کہنیوں کی صفائی:

کہنیوں کو صاف کرنے کے لئے آپ کو چاہیئے کہ ایک چمچ سرکے میں ایک چمچ نمک مکس کریں اور اس سے ان کی مالش کریں، ساتھ ہی اس میں ایک چمچ شہد بھی شامل کرلیں، یہ کہنیوں پر جمی ضدی میل کو چند ہفتوں کے استعمال سے بالکل صاف کردے گی۔

گٹھنے:

گٹھنے کالے ہوگئے ہیں تو ایک چمچ دودھ، ایک چمچ سرکہ اچھی طرح مکس کریں، جیسے ہی دودھ پھٹنے لگے اس کو گٹھنے پر لگا کر مالش کرلیں، لیجیئے 3 ماہ کے استعمال سے ضدی میل باقی نہیں رہے گی۔