لمبے اور حسین بالوں کا راز اب آپ کے ہاتھ میں

image

لمبے، گھنے اور حسین بال شخصیت میں چار چاند لگادیتے ہیں اسی لیےتمام خواتین کی یہی خواہش ہوتی ہے۔ لیکن یہاں پر ایک بات ذہن نشین کرنی چا ہئے کہ یہ کام راتوں رات نہیں ہو سکتا اس کے لیے وقت اور صبر درکار ہے۔ یہاں پر چند کار آمد باتیں پیش کی جارہی ہیں جو آپ کی اس خواہش کی تکمیل میں مدد فراہم کرے گی۔

بالوں کی کٹینگ سے بال نہیں بڑھتے

اس طرح بال صحت مند تو رہتے ہیں اور دو شاخہ یا دو منہ والے بال سے بھی چھٹکارا مل جاتا ہے مگر یہ بالوں کی بڑھوتری میں کوئی خاص کردارادا نہیں کرتے۔ اسی وجہ سے ہرماہ بالوں کی کٹینگ کروانے والی خواتین یہی شکایت کرتی نظر آتی ہیں ان کے بال نہیں بڑھتے۔ اس کے لیے ضروری ہے کہ آپ بالوں کی کٹینگ چند ماہ بعد صرف آدھا انچ کروائیں تاکہ بال بڑھتے ہوئے نظرآئیں۔

کنڈیشنرضرور استعمال کریں

جب بھی شیمپو سے بال دھوئیں کنڈیشنر ضرور استعمال کریں، کیوںکہ ڈائی اور اسڑیٹنر سے بال شاخوں سے باریک اور ہلکے ہونے لگتے ہیں کنڈیشنران سب مسائل کا بہترین حل ہے اس طرح بال مزید خراب ہونے سے بچے رہتے ہیں جو ان کی بڑھنے کی رفتار میں اضافہ کریں گے۔

ہر بار شیمپو نہ کریں

اگر آپ لمبے بالوں کی خواہش مند ہیں تو شیمپو کے بعد کنڈیشنر کو اپنا معمول بنالیں اور ضروری نہیں کہ جب نہائیں شیمپو کریں یہ صرف اسی وقت کریں تب بالوں سے گرد اور میل صاف کرنا مقصود ہو۔ اسے ہلکے ہاتھوں سے بالوں کی جڑوں میں لگائیں جبکہ باقی بالوں پرصرف پانی بہائیں۔

بال ٹھنڈے پانی سے دھوئیں

یہ بالوں کولمبے کرنے کے لیے بے حد کارآمد ٹوٹکہ ہے۔ یہ بالوں کی بیرونی تہہ کو نقصان پہنچائے بغیر مزید ہموارکرتا ہے اور اس کی نمی کو محفوظ رکھتا ہے جبکہ گرم پانی اسے نقصان پہنچاتا ہے۔

ہیئرآئل سے مساج کریں

ہفتے میں ایک بار کسی بھی ہیئرآئل سے سر کا مساج کریں یا ہیئرماسک لگائیں اس طرح خون کی روانی بہتر ہوگی جو بالوں کی افزائش میں مدد دے گی۔

بالوں میں نرمی سے برش کریں

سختی کے ساتھ اور ایک ہی جگہ پر کئی بار برش کرنے سے گریز کریں بالوں میں نرمی سے برش کریں۔ اگر گیلے بالوں میں برش کرنا ہے تو اس کا آغاز بالوں کے کناروں سے کریں تاکہ یہ کم الجھے ٹوٹنے سے بچے رہیں۔ اس مقصد کے لیے بہترین برش کا انتخاب کریں۔

نرم تکیہ استعمال کریں

سوتی روئی کے تکیہ وقت گزرنے کے ساتھ سخت ہو جاتے ہیں لہٰذا اس مقصد کے لیے ریشمی روئی کے نرم تکیے استعمال کریں تاکہ بال الجھنے سے محفوظ رہیں۔

بالوں کو ایک ہی طرح سے نہ باندھیں

بالوں کو ایک ہی طرح اور ایک ہی جگہ پر نہ باندھے جگہ اور اسٹائل تبدیل کرتے رہیں تا کہ ان کی افزئش میں اضافہ ہوتا رہے۔

WATCH LIVE NEWS

You May Also Like :
مزید

Lambe Aur Haseen Balon Ka Raaz

Lambe Aur Haseen Balon Ka Raaz - Read the best tips, tricks & totkay of Beauty Tips. These tips and tricks are specially developed to cater your needs of Beauty Tips. Now, you do not have to visit multiple websites to be aware about the totkay related to Beauty Tips. So, just read the informative content on Lambe Aur Haseen Balon Ka Raaz. These tips and tricks will surely play a great role in enhancing your beauty.