آپ کے ہونٹ آپ کے چہرے پر سب سے زیادہ توجہ مانگتے ہیں کیونکہ یہ جتنے نرم و ملائم ہوتے ہیں اتنے ہی حساس اور نازک ہوتے ہیں اس لئے جلد کے ساتھ ساتھ ان کا خیال رکھنا بھی بہت ضروری ہے۔
آج ہم آپ کو چند ایسے طریقے بتانے والے ہیں جن سے فوری آپ کے کالے ہونٹ گلابی ہونا شروع ہو جائیں گے اور وہ بھی بہت آسانی سے تو چلیں پھر طریقہ جان لیتے ہیں۔
ہونٹوں کو گلابی بنانے کا آسان اور گھریلو نسخہ
• اگر آپ اپنے ہونٹوں کو فوری گلابی بنانا چاہتی ہیں تو اس کے لئے چقندر کا ایک ٹکڑا لیں اور اسے پیس لیں اب اس میں گلیسرین ملائیں اور اسے ہونٹوں پر لگا لیں۔
• اس سے فوری آپ کے ہونٹ گلابی اور نرم و ملائم ہو جائیں گے۔
• اس کے علاوہ ایک چھوٹی ڈبیا میں تھوڑا سا زیتون کا تیل لیں اس میں آدھے لیموں کا رس نچوڑ لیں اب روز رات یہ بام کی طرح ہونٹوں پر لگا کر سوئیں اس سے آپ کے ہونٹ اندرونی طور پر گلابی ہونا شروع ہو جائیں گے اور کچھ ہی دِنوں میں رزلٹ آپ کے سامنے ہوگا۔
• گلاب کی پتیوں کو پیس کر اس میں دودھ شامل کریں اور بام بنا کر رکھ لیں اب اس کو روزانہ ہونٹوں پر لگائیں اور مساج کریں۔
• ہونٹوں پر چینی کو پیس کر لگائیں اور ساتھ لیموں کا رس لے کر اس سے ہونٹوں پر اسکرب کریں۔