بوڑھا ہونا کوئی بھی نہیں چاہتا اور خواتین تو ہر وقت خود کو خوبصورت بنانے کی کوششیں کرتی رہتی ہیں۔ پھر آج کل تو جھریوں کو بھی ختم کرنے کی سرجری اور ٹریٹمنٹس آ گئے ہیں جن کو سہولت کے مطابق لوگ کروا رہے ہیں۔ کچھ وقت قبل ہم نے آپ کو دکھایا تھا کہ ڈاکٹر شائستہ لودھی نے خؤد اپنی والدہ کا فیس لفٹ کیا تھا اور جھریوں کو ختم کرکے واضح فرق دکھایا تھا۔
آج ہم آپ کو بتانے جا رہے ہیں کہ ڈاکٹر شائستہ لودھی جھریوں کو ختم کرنے کے لئے کونسا ٹریٹمنٹ بتاتی ہیں اور اس کی کم سے کم کیا قیمت ہوگی؟
ٹریٹمنٹ:
٭ فیس لفٹ کرنے اور جھریوں کو ختم کرنے کے لئے ڈاکٹر شائستہ لودھی لیکوئیڈ فیس لفٹ ٹریٹمنٹ بتاتی ہیں کیونکہ اس سے آپ کی جلد کا لٹکا پن اور فیس کریز ایک ہی مرتبہ میں کسی حد تک نارمل ہو جاتی ہے اور لٹکے ہوئے گالوں کی جلد کم ہو جاتی ہے۔
لیکیوئیڈ فیس لفٹ کیا ہے؟
لیکوئیڈ فیس لفٹ میں دراصل 4 قسم کے کیمیائی سیرمز استعمال ہوتے ہیں جن کو انجیکشنز کی مدد سے جلد میں داخل کیا جاتا ہے۔ اس میں ریسٹیلائن، بیلوٹیرو، جیووی ڈرم اور ریڈائیز استعمال ہوتے ہیں۔ اس ٹریٹمنٹ میں سب سے لمبے عرصے تک چلنے والا اسکلپٹرا ہوتا ہے جس کی قیمت تقریباً 1000 امریکی ڈالر بتائی جاتی ہے جو اس وقت پاکتسان میں موجود نہیں ۔ البتہ جو فیس لفٹ مختلف اینیستیتھک کلینک پر موجود ہے ان کی ایک مرتبہ کی قیمت تقریباً 15 سے 28 ہزار روپے کے قریب ہے۔
سائیڈ افیکٹ:
جن لوگوں کو جلدی امراض ہوتے ہیں یا ان کی بہت حساس جلد ہوتی ہے ان کے چہرے پر مزید خارش اور دانے ہوسکتے ہیں، اور وہ خواتین جو حاملہ ہیں وہ اس ٹریٹمنٹ کو لینے کے بارے میں نہ سوچیں کیونکہ یہ جسم کے اندر داخل ہو کر ماس کی ذریعے اووری تک رسائی حاصل کرسکتے ہیں جو بچے کی پیدائش کے حوالے سے بہت خطرناک سمجھا جاتا ہے۔