جوان دکھنا ہر عورت کا خواب ہوتا ہے جس کے لیئے وہ ہر ممکن کوشش کرتی ہے لیکن عمر ایسی چیز ہے جو بڑھتی ہی رہتی ہے اور عمر کے ساتھ ساتھ آپکی جلد پر بھی واضح فرق دیکھنے کو ملتا ہے جیسے کہ جھریاں پڑجانا چہرے اور گردن پر لکیروں کا آجانا جو وقت سے پہلے ہی آپکو بوڑھا دکھاتا ہے۔ ایسے میں آج کل بہت سے نِت نئے ٹریٹمنٹ آگئے ہیں جس سے آپ خود کو جوان اور خوبصورت بنا سکتی ہیں اب تو اداکارائیں بھی یہی ٹریٹمنٹ کرواتی ہیں۔
نادیہ حسین جو کہ فیشن کی دنیا کا ایک جانا پہچانا نام ہیں اُن سے آپ سب ہی واقف ہونگے، انکا اپنا ایک بیوٹی سلون بھی ہے جہاں ایک ٹریٹمنٹ ایسا بھی ہے جس سے آپ اپنے چہرے کی جھریوں اور جھائیوں سے نجات پاسکتی ہیں۔ آج ہم اسی ٹریٹمنٹ کی بات کریں گے اور آپکو بتائیں گے۔
(بوٹولینم ٹاکسن) انجیکشن جو آپ کے چہرے کے پٹھوں، لکیروں اور جھریوں کو ہموار کرنے کے لیے استعمال ہوتا ہے، بوٹوکس انجیکشن بنیادی طور پر چہرے کی جھریوں کی ظاہری شکل کو کم کرنے کی صلاحیت رکھتا ہے۔ اس کا استعمال گردن میں کھنچاؤ (سروائیکل ڈسٹونیا)، بہت زیادہ پسینہ آنا (ہائپر ہائیڈروسیس)، زیادہ فعال مثانہ اور کمزور آنکھوں جیسے مسائل کے علاج کے لیے بھی کیا جاتا ہے۔
بوٹوکس کام کیسے کرتا ہے؟
بوٹوکس اعصاب سے پٹھوں تک سگنلز کو روکتا ہے جس کی وجہ سے جھریاں بننے کا عمل رک جاتا ہے۔ یہ عمل زیادہ سے زیادہ دس سے پندرہ منٹ کا ہوتا ہے۔
بوٹوکس کتنے وقت تک چلتا ہے؟
عموما بوٹوکس تین سے چار ماہ تک چلتا ہے، لیکن یہ ضروری نہیں کیونکہ ہر کسی کی جلد مختلف ہوتی ہے اسلیئے کچھ خواتین کا چار سے چھ ماہ جبکہ کچھ کا تو دو ماہ تک ہی چلتا ہے۔
کیا بوٹوکس تکلیف دہ عمل ہے؟
یہ زیادہ تکلیف دہ عمل نہیں ہے، بس شروع میں چبھن ہوتی ہے کیونکہ بوٹوکس عام طور پر چھوٹے انجیکشن کی سوئی سے کئے جاتے ہیں اسلیئے ایک سنسنی سی ہوتی ہے