کینو اس موسم کا سب سے زیادہ استعمال کیا جانے والا پھل ہے۔ یہ کھٹا میٹھا مزیدار پھل صرف زبان کا ذائقہ ہی نہیں بڑھاتا بلکہ اس میں قدرت نے بہت سے راز چھپا رکھے ہیں۔ اس میں وٹامن سی کی مقدار دنیا میں موجود ہر پھل سے زیادہ پائی جاتی ہے کیونکہ یہ وہ وٹامن ہے جس کے بناء خوبصورتی اور صحت دونوں ہی ناممکن ہیں۔ آئیے آج آپ کو بالوں کے تمام مسائل کا حل صرف اس کینو سے بتاتے ہیں تاکہ موسم کا پھل کھانے کے ساتھ ساتھ آپ بھی اس سے فائدہ اٹھا سکیں۔
کینو میں وٹامن سی کی بھرپور مقدار کے علاوہ وٹامن بی 1 سے لے کر وٹامن بی 9 بھی موجود ہوتے ہیں اس کے علاوہ کیلشیم، میگنیشیم، کاپر، ہوٹاشیم، فاسفورس، زنک، سیلینیم، میگنیز، فائبر، آئرن اور وٹامن اے، بی اور ای بھی موجود ہوتے ہیں۔
کینو کے چھلکے کا پاؤڈر بنا کر اس کو محفوظ کرلیں۔ کینو کا رس اس میں مکس کریں ساتھ ہی ایلوویرا کا جیل، لیموں کا رس، دہی اور میتھی دانے کا پاؤڈر اچھی طرح مکس کرکے اپنے بالوں میں لگائیں، اس سے بال لمبے، گھنے اور مضبوط بھی ہوں گے اور ساتھ ہی ان میں وٹامن سی اور پروٹین کی مقدار شامل ہونے سے خشکی و سکری کے علاوہ ان کا روکھا پن بھی ختم ہو جائے گا۔