آج کل سب ہی کورونا وائرس سے بچاؤ کے لئے ماسک پہنے ہوئے نظر آتے ہیں جو کہ اپنی صحت کی حفاظت کے لئے سب سے ضروری ہے۔ لیکن ماسک پہننے کے بعد اکثر لوگوں کے چہروں پر ایکنی کا مسئلہ ہو جاتا ہے اور خواتین اس سے زیادہ پریشان ہوتی ہیں. کیونکہ جو بھی میک اپ وہ چہرے پر لگا کر ماسک پہنتی ہیں وہ سب بھی ماسک پر لگ جاتا ہے اور چہرے پر ایکنی زیادہ بڑھ جاتی ہے۔ آج وومن کارنر میں جانیئے کیسے آپ ماسک کی وجہ سے ہونے والی ایکنی کو ختم کر سکتے ہیں۔

ٹپ:

٭ ایک چمچ بینٹونیٹ مٹی (خوردنی مٹی جو کہ پانی میں حل کر جیلی نما بن جاتی ہے، ملتانی مٹی کی ہی ایک قسم ہے جو پنسار کی دکان سے باآسانی دستیاب ہے۔)

٭ اس مٹی میں کو ایک چمچ سیب کے سرکے میں مکس کریں اور اس میں دو چمچ لیموں کا رس شامل کریں۔

٭ ان تمام چیزوں کو اچھی طرح مکس کریں اور 5 منٹ کے لئے چھوڑ دیں۔

٭ پھر اس کو چہرے پر لگائیں یا جہاں ایکنی ہوگئی ہے اس جگہ پر لگائیں اور 15 منٹ کے لئے چھوڑ دیں۔

٭ یہ خُشک ہونے میں تھوڑا سا وقت لیتی ہے، مگر بہت زیادہ خُشک نہ کریں۔

٭ سادے پانی سے چہرہ دھو لیں۔

٭ اس ٹپ کا استعمال آپ روزانہ بھی کر سکتی ہیں اس سے چہرے کو کوئی نقصان نہیں ہوگا۔

فائدہ کیوں؟

٭ بینٹونیٹ مٹی میں منرلز، کیلشیئم، میگنیشیئم، آئرن اور لیڈ سلفیٹ پائے جاتے ہیں جس کی وجہ سے ہماری جلد کو صاف اور چمکدار بنانے کا کام کرتی ہے۔ یہ نہ صرف ایکنی کے مسئلے کو تیزی سے کنٹرول کرتی ہے بلکہ ساتھ ہی کھلے مساموں کے اندر سے گندگی کو نکال باہر کرتی ہے تاکہ جلد کے خلُیات صاف رہیں اور خون کی روانی بھی بہتر ہو۔