سردی کے موسم میں جلد اکثر خراب ہوجاتی ہے اور پھٹی پھٹی سی رہتی ہے اور پھر جب نزلہ ہوتا ہے تو جلد مذید خشک ہو جاتی ہے اسی طرح اگر گرمی کی بات کریں تو جلد پر اتنا آئل آتا ہے کہ میک اپ بھی نہیں ٹہرتا ہے۔ لیکن ایسا کیوں ہوتا ہے؟
وجہ:
خراب جلد
٭ سردی میں جلد ایسی خشک ہونے کی وجہ یہ ہے کہ ہمیں پیاس کم لگتی ہے اور جسم میں پانی کی کمی سے جلد پھٹنے اور خشک رہنے لگتی ہے، اس کے علاوہ جلد کے اوپری ٹشوز نمی نہ ہونے کی وجہ سے پانی کے مالیکیولز کو جذب نہیں کر پاتے جس کا نتیجہ خراب جلد کی صورت میں ہوتا ہے۔
زیادہ بھوک
٭ سردی میں زیادہ بھوک لگنے کی وجہ یہ ہے کہ کھانا ہمیں توانائی فراہم کرتا ہے جس سے ہمارا جسم باہر کے درجہ حرارت کو کنٹرول کرنے اور خود کو متوازن رکھنے میں مدد دیتا ہے، اس لئے سردی کے موسم میں زیادہ بھوک لگتی ہے۔
نزلہ
٭ سردی میں بار بار نزلہ ہونے کی اصل وجہ ہوا میں نمی کا تناسب کم سے کم ہونا ہے جو سانس کی نالیوں میں بلاکیج پیدا کرتا ہے جس سے سانس آنے میں رکاوٹ اور جسم سے پانی کا اخراج ناک بہنے کی صورت میں ہوتا ہے۔
ڈپریشن اور تنہائی
٭ سردی کے موسم میں ڈپریشن اور تنہائی کا احساس بھی سب سے زیادہ ہوتا ہے جو قدرتی نظام کی وجہ سے ہے اور اس کو موسمیاتی اثرات یا سیزنل ڈس آرڈر کہا جاتا ہے۔
بالوں میں خُشکی
٭ سردی میں بالوں میں خُشکی کے مسائل بھی زیادہ ہوتے ہیں اور بال ٹوٹتے بھی بہت ہیں جو موائسچرائزر نہ ہونے اور ماحول کی خُشکی کے باعث ہوتا ہے۔
گرمی میں جلد آئلی اور بال کم کرتے ہیں:
گرمی میں آئلی جلد سورج کی تیز تپش کی وجہ سے ہوتی ہے جبکہ بال کم اس لئے گرتے ہیں کیونکہ موائسچرائزر کی کمی نہیں ہوتی اور فولیکلز توانا ہوتے ہیں۔