آنکھوں کے گِرد سے سیاہ حلقے ختم کرنے کے 5 زبردست ٹوٹکے ۔۔ آج ہی اپنائیں آنکھوں کو خوبصورت بنائیں

image

خوبصورت آنکھیں ہماری شخصیت کی خوبصورتی بڑھانے کے لیے بہت اہم کردار ادا کرتی ہیں کیونکہ دل کی بات اکثر آنکھیں کہہ جاتی ہیں ایسے میں یہ ضروری ہے کہ اپنی آنکھوں کا خیال رکھا جائے تاکہ یہ خوبصورت بھی رہیں اور ساتھ ہی آنکھوں کی خوبصورتی کو ماند کرنے والے سیاہ حلقے بھی آپ کی خوبصورتی کو متاثر نہ کرسکیں۔

کسی کو بھی اپنے چہرے پر یہ گہرے سیاہ حلقے اچھے نہیں لگتے اور ان کو میک اپ سے بھی چھپانا مشکل ہوجاتا ہے۔ مگر آنکھوں کے گرد یہ سیاہ حلقے کیوں بنتے ہیں؟ اس کی وجہ نیند کی کمی، تھکاوٹ، تناﺅ، ہارمون میں عدم توازن اور پانی کی کمی بھی آنکھوں کے گرد ان حلقے بناتی ہے۔

اب ان حلقوں سے آپ بھی پریشان ہیں تو ہم لائے ہیں آپ کے لئے چند ایسے مفید نسخے جو آپ کوبھی فائدہ پہنچائیں گے:

• کھیرے:

کھیرا قدرتی طور پر ٹھنڈا ہوتا ہے اور یہ کالے گھیروں کو ختم کرنے کے لیئے سب سے زیادہ مفید سمجھا جاتا ہے۔ اس کے سلائس کاٹ کر بیس منٹ آنکھوں کے اوپر رکھ کر لیٹ جائیں اور جب ٹھنڈک ملنا رک جائے تو اس کو ہٹا کر پھینک دیں۔ روزانہ بیس سے تیس منٹ یہ عمل کرنے سے آپ کی آنکھیں بھی ٹھنڈی رہیں گی اور کالے گھیرے بھی کنٹرول میں آجائیں گے۔

• آلو:

آلو ایک بلیچنگ ایجنٹ کے طور پر کام کرتا ہے اور جلد کی خراب رنگت کو نکھارنے کے ساتھ ساتھ کالے گھیروں کو ختم کرنے میں بھی مفید ہے۔ اس کے لیئے آپ ایک آلو کا رس نکال کر روئی کی مدد سے آنکھوں کے گرد لگالیں اور خشک ہونے پر اس کو ٹھنڈے پانی سے دھو لیں دن میں دو مرتبہ یہ عمل کرنے سے کالے گھیروں سے نجات مل سکتی ہے۔

• ٹماٹر:

ٹماٹر بھی سکن ٹونر کے طور پر کام کرتا ہے جو کالے گھیروں اور سن ٹین سے حفاظت کرتا ہے۔ ایک ٹماٹر کے رس میں آدھا چمچ لیموں کا رس شامل کرکے آنکھوں کے گرد لگائیں اور اس جوس کو آپ پی بھی سکتے ہیں اس کو پینے اور لگانے سے کالے گھیروں میں افاقہ ہوگا اور جلد کا رنگ بھِی نکھر جائے گا۔

• ٹھنڈا دودھ:

ٹھنڈے دودھ کا استعمال کالے گھیروں کوختم کرنے میں مفید ہے اس کے لئے آپ ایک سے دو آئس کیوبس ایک پیالے میں ڈالیں اور تھوڑا سا دودھ شامل کرکے مکس کریں اور روئی کی مدد سے آنکھوں کے گرد لگائیں سوکھنے پر ٹھنڈے پانی سے دھوئیں اور صبح اٹھ کر اگر یہ عمل کیا جائے تو یہ سب سے مناسب ہے گھیروں کو ختم کرنے کے لیئے۔

• گلاب کا عرق:

گلاب کا عرق بیوٹی پراڈکٹ میں سب سے زیادہ استعمال ہوتا ہے کیونکہ اس کا استعمال ہر طرح سے مفید ہے۔ کالے گھیروں میں بھی اس کو روئی کی مدد سے لگایا جائے اور خشک ہونے پر دھولیا جائے تو یہ بھی آپ کو فائدہ دے سکتا ہے لیکن دن میں دو مرتبہ اس عمل کو کرنے سے نتائج تسلی بخش مل سکتے ہیں۔

WATCH LIVE NEWS

You May Also Like :
مزید

Siyah Halkay Khatam Karne Ka Tarika

Siyah Halkay Khatam Karne Ka Tarika - Read the best tips, tricks & totkay of Beauty Tips. These tips and tricks are specially developed to cater your needs of Beauty Tips. Now, you do not have to visit multiple websites to be aware about the totkay related to Beauty Tips. So, just read the informative content on Siyah Halkay Khatam Karne Ka Tarika. These tips and tricks will surely play a great role in enhancing your beauty.