ہمارے یہاں اکثر خواتین دن بھر کام کرکے اتنا تھک جاتی ہیں کہ رات کو جیسے ہی بستر پر لیٹتی ہیں فوراً سو جاتی ہیں انکا گمان یہ ہوتا ہے کہ چہرہ تو صاف ہے، لیکن در حقیقت ایسا بلکل نہیں ہے کیونکہ دن بھر کی دھول، مٹی، کچن کا دھواں، ہاتھوں اور ڈوپٹے سے صاف کرنا یہ ساری وہ چیزیں ہیں جو آپ کے چہرے پر جاثیم چھوڑ دیتی ہیں اور اگر آپ رات کو ایسے ہی سو جائیں تو آپکا چہرہ خراب کرتی ہیں۔
اسلیئے اپنے کی چہرے کیحفاظت کرنے کیلیئے آپ کو کچھ اقدامات کرنے کی ضرورت ہے جس میں سب سے اہم رات کی اسکن کئیر روٹین ہے۔
رات کو سونے سے پہلے:
۔ اپنے چہرے کو ایسے فیس واش سے دھوئیں جس میں سیلیسیلک ایسڈ ہو۔ یہ یقینی بناتا ہے کہ آپ کی جلد ہموار، مہاسوں اور داغوں سے پاک رہے
۔ ہلکا اسکرب استعمال کریں ہفتے میں دو دن
۔ خشک جلد کیلیئے منہ دھونے کے بعد موئسچرائزنگ کلینزنگ مِلک لگائیں
۔ ہموار جلد کے لیے ٹونر کا استعمال کریں سونے سے پہلے
۔ ہائیڈریٹنگ موئسچرائزر استعمال کریں
۔ اگر آپ نے چہرے پر کسی بھی قسم کا میک اپ لگایا ہوا ہے تو سونے سے پہلے اسے مکمل طور پر صاف کرنا یقینی بنائیں۔
۔ کاسمیٹکس کو رات میں چہرے پر چھوڑنے سے آپ کے اسکن پورز جو اگر کھلے ہوئے ہیں تو اس میں زیادہ مقدار میں تیل جمع ہوجائے گا، جو بعد میں ایکنی کا سبب بنتے ہیں۔
۔ اپنی جلد کی دیکھ بھال کیلیئے ہفتے میں ایک بار رات کو اسٹیم لیں، اور اس سے نکلنے والی ھاپ کو اپنے چہرے میں اچھی طرح جذب ہونے دیں تا کہ وہ آپ کے کھلے ہوئے پورز میں داخل ہو کر وہاں موجود دھول مٹی اور چکنائی کو اندر سے صاف کرے، اسی طرح یہ آپ کے چہرے میں خون کے پھیلاؤ کو مضبوط کرے گا جس سے آپ کی جلد میں چمک پیدا ہوگی۔
۔ آپ کی جلد کو پانی سے زیادہ کوئی چیز فائدہ نہیں پہنچا سکتی۔ پانی آپ کی جلد کو نمی بخشنے اور صحت مند نظر آنے میں مدد کرتا ہے، سونے سے پہلے ایک گلاس پانی پینے سے آپ کو رات بھر ہائیڈریٹ رہنے میں مدد ملتی ہے
یاد رکھیں!
جو خواتین وقت نہ ملنے کا بہانہ کرتی ہیں، اگر وہ جوانی میں اپنی جلد کی مناسب دیکھ بھال نہیں کریں گی تو بعد میں انھیں پچھتانا پڑے گا کیونکہ اپنے چہرے کو نہ دھونا قبل از وقت بڑھاپے اور جھریوں کی نشوونما کا باعث بن سکتا ہے اسکے علاوہ آپکا چہرہ اپنی نمی اور چمک بھی کھو دیتا ہے۔